فلسطین ساغلیقنی سقلش وزیرلیگینینگ اعلام قیلیشیچه، نوار غزه ده آلتی کیشی آچرچیلیک و توییب آوقتلنمسلیک طفیلی وفات قیلگن.
خلقارا ییتکرمهلرنینگ بوگون (۱۸-سنبله، سهشنبه)، گزارش بیریشیچه، مذکور کیشیلر اوتگن بیر کیچهوکوندوزده نوار غزه ده حاکم بولگن آزیق-آوقت انقراضی نتیجهسیده، وفات قیلگنلر.
فلسطین ساغلیقنی سقلش وزیرلیگینینگ معلوماتی گه کوره، اوروش باشلنگنی و اسرائیل آرقهلی نوار غزهنینگ محاصره بولگنیدن بویان، ۱۴۰ باله شامل توییب آوقتلنمسلیک طفیلی وفات قیلگنلرنینگ توپلم سانی ۳۹۹ کیشیگه ییتیشگن.
نوار غزه ده انسانی انقراض، بو منطقه یشاوچیلری اوچون دستلبکی یاردملر و آزیق-آوقت تامینلنیشی توغریسیده کینگ کولملی خواطرلرنی یرهتگن.
