امریکانینگ پنسیلوانیا ایالتیده، پولیس خادملریدن اوچ تهسی بیر آتیشمه جریانیده بیر هجومچی تامانیدن اولدیریلیب و باشقه ایکی کیشی ایسه آغیر جراحت کوتارگن.
رویترز آژانسینینگ بوگون (۲۷-سنبله، پنجشنبه)، گزارش بیریشیچه، مذکور واقعه اوتگن کون پنسیلوانیانینگ یورک شهریده جایلشگن «کودروس» منطقهسیده یوز بیرگن.
بیزلرنینگ «ایکس» ترماغی ده هم تعقیب قیلینگ!
پنسیلوانیا ایالتینینگ پولیس کمیشنری کریستوفر پاریسگه کوره، امنیتی کوچلر عایلهوی موضوعلرگه تیگیشلی بیر دوسیه توغریسیده تدقیقات قیلیش مقصد محلگه بارگنلری پیتده، اوققه توتیلگنلر.
محلی رسمیلرنینگ معلوماتی اساسیده، آتیشمه جریانیده هجومچی هم اولگن.
بیزلرنینگ فیسبوک صحیفهمیزگه باش اورینگ!
محلی رسمیلرنینگ ایتیشلریچه، اوشبو واقعهده یرهلنگنلر کسلخانه گه انتقال بیریلیب و اولرنینگ وضعیتی یامان دییلگن.
امریکا ده قوراللی زورهوانلیکلر اینگ بویوک اجتماعی بحرانلردن بیری حسابلنهدی. یالغیز ۲۰۲۳-ییلده آتیشمه نتیجهسیده ۴۶ مینگدن آرتیق کیشی اولگن.
