امریکانینگ رود آیلند ایالتیده سمستر یکونی سیناولری اوتکزیلیشی بیلن بیرگه، «براون» بیلیم یورتیده یوز بیرگن آتیشمه عاقبتیده، ایکی کیشی اولیب و باشقه توقیز کیشی یرهلنگن.
الجزیره خبری ترماغینینگ بوگون (۲۳-قوس، یکشنبه)، گزارش بیریشیچه، مذکور واقعه قربانلری طلبهلر بولیب و اولردن قطارینینگ وضعیتی آغیر دیر.
خوفسیزلیک رسمیلریگه کوره، آتیشمه مهندسلیک و فیزیک بناسیده یوز بیریب و دستلبکی تیکشیروولر اساسیده، مذکور واقعه عاملی محلدن پیاده قاچیب کیتگن. حاضرگچه بو توغریده هیچ کیم قولگه آلینمهی و قورال هم قولگه کیلمهگن.
براون بیلیم یورتی، بو واقعه یوز بیرگنیدن کیین قرنتین بوروغینی بیریب، طلبهلر و ایشلاوچیلردن بنالر ایشیکلرینینگ باغلهشلری و بیلیم یورت ساحهسیگه بارمسلیکلرینی ایستهگن.
محلی خوفسیزلیک کوچلری «افبیآی» فدرال مامورلری حمایتی بیلن محلده حضورلری بولیب و اوق آتگن عاملی تانیلیشی و قولگه آلینیشی اوچون تیکشیروولرنینگ دوامی بار.
عمومی جایلر اینیقسه تعلیمی مرکزلرده قوراللی زوزهوانلیکلر، امریکا ده اینگ بویوک خوفسیزلیک قیینچیلیکلردن بیری حسابلنیب و ییلده اونلب کیشینینگ قربانلیگیگه سبب بولهدی.
