مملکت سوو و برق وزیرلیگی مسئوللری، تخار، قندوز، بلخ و جوزجان ولایت‌لریده آمو دریا قیره‌لرینی مستحکم‌لش ایشی باشلنگنیدن خبر بیره‌دیلر.
مملکت سوو برق وزیرلیگی نینگ سوغاریش ایشلری بوییچه معینی مجیب‌الرحمان عمر آخوندزاده، قندوز گه قیلگن سفری و اوشبو پروژه‌نی آچیش مراسمیده ایتیشیچه، آمو دریا قیره‌لری ده ایکینچیلیک ییرلر تخریب بولمسلیگی اوچون، اوشبو دریا قیره‌لرینی مستحکم‌لش ایشینی باشله‌گنلر.
بیزلرنینگ فیسبوک صحیفه‌میزگه باش اورینگ!
اونگه کوره، آمو دریا قیره‌لرینی مستحکم‌لش ضروری ایش‌لر اوچون ایکی میلیارد افغانی و اوزاق مدتلی قیینچیلیکلر حلی، اوچون آلتی میلیارد افغانی نظرگه آلینگن.
اونینگ کوپه‌یتیریشیچه، اوشبو پروژه عملگه آشیریلیشی بیلن مینگلب ایکینچیلیک ییر و یشش اوی‌لر بوزیلیشی اونگی آلینه‌دی.
قندوز دریای پنج حوزه باشلیغی رفیع‌الله مجتبا نینگ ایتیشیچه، امام‌صاحب تومنی «برزنگی» منطقه‌سی، شیرخان بندر، کلباد و قلعه‌زال تومن‌لری قطار حدودلری ده، آمو دریا قیره‌لرینی مستحکم‌لش پروژه ایشی باشلنگن.
اونگه کوره، سوو تاشقینی طفیلی احتمالی تخریبی کوپ بولگن منطقه‌لر اوستون قرار بیریله‌دی.
باشقه تاماندن، قندوز ولایتی امام‌صاحب تومنی «برزنگی» منطقه‌سی و شیرخان بندر یشاوچیلری، آمو دریا قیره‌لرینی مستحکم‌لش پروژه ایشی باشله‌نیشیدن خورسندلیک قیلیب ایتیشلریچه، آمو دریا قیره‌لرینی مستحکم‌لش ایشی باشله‌نیشی بیلن نه فقط ایکینچیلیک ییرلری و یشش اوی‌لری امان بولیشی ممکن بلکه، اورته آسیا اولکه‌لری بیلن مملکت نینگ سوداگرلیک مهم مرکزی «شیرخان بندر» ترانزیتی یولی، بوزیلیش خطری دن امان بولیشی ممکن.
بیزلرنینگ توییترده هم تعقیب قیلینگ!
شمال و شمال‌شرقی تورت ولایت ده آمو دریا قیره‌لرینی مستحکم‌لش ایشی عین‌حالده باشلنماقده که، سونگی ییل‌لرده سوو تاشقینی باعث یشاوچیلر نینگ ایکینچیلیک ییرلری و یشش اوی‌لری بوزیلیب و یوق ایتیلگن.