کابل ده شفاکارلردن قطاری‌نینگ ایتیشلریچه، آپاندیس توسیلیشی، بیر قطار آزیق-آوقت و معده کسللیکلری، عیاللرده «آپاندیسیت» گه سبب بوله‌دی. اولر‌نینگ ایتیشلریچه، بو قیین‌چیلیک یامان عاقبتلرگه ایگه بولیب و کوپینچه پیت ناتوغری تشخیص بولیشی عیاللرده بی‌پشتلیککه سبب بوله‌دی.
ایچکی کسللیکلری شفاکاری مداد دانشور، عیاللرده آپاندیسیت عامل‌لری حقیده ایتیشیچه: «تورلی‌خیل عامل‌لر آپاندیسیت گه سبب بوله‌دی، غایطه ماده‌لر یا-ده میوه‌لر و لیمو بیلن نارنج کبی سبزه‌وات‌لر خسته‌سی طفیلی اپندیکس/آپاندیس توسیلیشی و شونینگدیک تومور، انتانات و بیر قطار معده کسللیکلری آپاندیسیت گه سبب بوله آله‌دی.»
شفاکارلر‌نینگ ایشانچی‌گه کوره، نسایی-ولادی کسل‌لیک‌لریدن قطاری هم بو کسل‌لیک‌دن تقلید قیله‌دی که انه‌شوو سبب، اونینگ درست شکلده تشخیص بولیشی اوچون جدی شکلده معاینه‌‌لر قیلینیشی کیره‌ک.
بیزلرنینگ «ایکس» ترماغی ده هم تعقیب قیلینگ!
نسایی-ولادی بولیمی شفاکاری سونیتا بهرام‌نینگ ایتیشیچه: «تخمدان‌لر قیین‌چیلیگی، بچه‌دان یاپیشیشی، بچه‌دان‌دن تشقی حمل آلیش و درست تشخیص بولمسلیک، عیاللرده منفی جراحی‌گه سبب بوله آله‌دی. یخشی‌راق تشخیص بولینیشی اوچون قان معاینه‌لری، التراسوند و سیتی‌اسکن بولینیشی کیره‌ک.»
مذکور نسایی-ولادی شفاکاری‌نینگ کوپه‌یتیریشیچه: «اهالی آگاهی‌لیک سطحی آشیریلسه، عیاللر نظافت‌نی مراعت قیلسه‌لر و قنچه سویوق لیک‌لردن فایده‌لنیش‌نی بیلسه‌لر، نسایی-ولادی کسللیکلری گه چلینیش‌‌نینگ آلدینی آله‌دی. حداقل بیر کونده ایکی-اوچ لیتر سوو ایچسینلر و شونینگدیک یریم ساعت سپورت قیلسینلر.»
شونده‌ی بیرحالده، آپاندیسیت جراحی‌سینی اوتکزگن عیالردن قطاری‌نینگ ایتیشلریچه، جراحی‌دن آلدین اولرده ایسیتمه، قارین آغریق و یوره‌ک بوزیلیش نشان‌لری بار ایکن.
آپاندیس گه چلینگن و عملیات بولگن ۳۵ یاشر فروزان‌نینگ ایتیشلریچه: «آپاندیس گه چلینگنیم‌ده، ایسیتمه، قارین آغریق و یوره‌ک بوزیلیشیم بار ایدی. شفاکار گه باریب و معاینه قیلدیرگنیم‌دن کیین، تیزراق جراحی بولیشیم تشخیص بولدی. عملیاتیم شکر یخشی ایدی.»
۱۸ یاشر هدیه‌نینگ ایتیشیچه: «بیردن قارنیم ساحه‌سیده آغریق‌نی حس قیلدیم و راست آیاغیم بی‌حس بولدی. کیین یوره‌گیم بوزیله‌ر ایدی. سردار داوودخان کسل‌خانه‌سیده جراحی قیلدیردیم و دوالنیش پروسه‌سیدن رضایتیم بار. عملیات‌دن کیین قیین‌چیلیگیم یوق ایدی؛ بیراق بی‌هوش‌لیک تاثیری بیر نیچه وقت حافظه‌م‌نی ضعیف قیلدی.»
شونینگدیک بو کبی تجربه گه ایگه بولگن ۱۲ یاشر هدا‌نینگ ایتیشیچه: «بیللی بیر سببی بولمس‌دن بو کسل‌لیککه چلیندیم. ایسیتمه، قارنیم بولیمی‌ده جدی آغریق و یوره‌ک بوزیلمه‌م بار ایدی. شفاکار تیزلیکده عملیات بولیشیم‌نی ایتدی. عملیات یخشی اوتدی و حیاتیم توغریسیده هیچ قنده‌ی منفی تاثیری یوق.»
بیزلرنینگ فیسبوک صحیفه‌میزگه باش اورینگ!
بو بیلن بیرگه، جراحی بولیمی متخصصی نجیب‌الله امرخیل‌نینگ ایتیشیچه، آپاندیس وجود‌ده‌گی معافیتی اعضالردن بولیب و اونینگ طبیات باغلنیش‌لردن قطاری‌ده فایده‌لنیله‌دی. «آپاندیس وجود‌ده‌گی معافیتی اعضالردن بولیب و التهابی بولمس‌دن آلدین اونینگ آلینیشی درست ایمس؛ وجود معافیتی‌نی توشیره‌دی و باغیزده تانسل واقعهلری فایزینی آشیره‌دی. آپاندیس بیر قطار طبیات مسئله‌لری اوچون نیاز دیر، مثلا پیچاق یا-ده اوق ضربه‌سی بیلن زیان کورگن قسمت‌لرگه، اپاندیس‌دن باغله‌لنیش صفتیده فایده‌لنه‌دی.»
اونینگ کوپه‌یتیریشیچه، دنیا ده عیاللرده آپاندیسیت جراحی‌لیگی‌نینگ ۲۵ فایزی اوخشش کسل‌لیکلر طفیلی سلبی بولیب، اونینگ توغری تشخیص‌لنمسلیگی عیالر اوچون آغیر عاقبتلرگه آلیب کیلگن. «اینیقسه عیاللرده بو کسل‌لیککه چلینمسدن آلدین جراحی‌لیک بولینسه؛ چونکه بی‌پشتلیک واقعه‌لری‌نی کوپه‌یتیره‌دی. بی‌پشتلیک واقعهلری فایزینی آشیره‌دی. انه شوو سبب آپاندیس گه چلینمسدن آلدین، آلیشی یخشی ایمس.»
سونگی ییلرده امریکا ده بولگن تدقیقات نتیجه‌لری‌گه کوره، حیات دوامی‌ده ۵-۱۰ فایز کیشی آپاندیسیت گه چلینه‌دی و هر ییلی بو مملکت‌ده ۳۰۰مینگ‌دن آرتیق آپاندیسکتومی جراحی (آپاندیس‌نی آلیش) عملیا‌تلری عمل‌گه آشیریله‌دی. بو تدقیقات گه کوره، آوقت‌لنیش رژیمی، دایمی قبض‌لیک و عایله‌وی اوتمیش گه ایگه بولیش آپاندیسیت گه چلینیش خوفی‌نی آشیره آله‌دی.
