اسلام امیرلیگی سیناولر ملی ادارهسی، بوگون (۲۹-سرطان، یکشنبه)، ۱۴۰۴-ییل کانکور سیناوی عمومی نتیجهسینی اعلام قیلدی.
اوشبو ییل کانکور سیناویده کابل شهریدن سیدداوود ساداتنینگ اوغلی سیدموسا، ۳۵۶.۵۷۴۱۵ نمره بیلن بیرینچی بولیب و کابل طب بیلیم یورتی گه یول تاپگن.
بیزلرنینگ «ایکس» ترماغی ده هم تعقیب قیلینگ!
شونینگدیک، کابللیک محمد نذیر، ۳۵۶.۵۷۴۱۴ نمره بیلن ایکّینچی بولیب کابل طب بیلیم یورتی گه یول تاپگن. و اوچینچی کیشی هم کابللیک همزه ۳۵۳.۵۳۳۱۶ نمره بیلن کابل طب بیلیم یورتی گه یول تاپگن.
سرپرست حکومت سیناولر ملی ادارهسی، بوگون ۱۴۰۴-ییل کانکور سیناوی نتیجهسی اعلام بولیشینی معلوم قیلگن ایدی.
بیزلرنینگ فیسبوک صحیفهمیزگه باش اورینگ!
۱۴۰۴-ییل کانکور سیناوی، ۷-جوزادن ۲۰-سرطانگچه بیش باسقیچده اوتکزیلدی.
اوشبو اداره مسئوللریگه کوره، بو ییل کانکور سیناویگه ۱۰۲ مینگ کیشی شرکت قیلگن.
