میدان‌وردک ولایتی کینگش اعضالری و یشاوچی‌لری نینگ ایتیش‌لریچه، اوتگن کیچه دن بویان اوشبو ولایت نینگ جلریز تومنی‌نی بیرقطار بولیم‌لریده طالبان جنگریلری و امنیتی کوچلر آره‌سیده آتیشمه یوز بیرگن.
میدان‌وردک ولایتی کینگش عضوی شریف‌الله هوتک نینگ سلام‌وطندارگه ایتیشیچه، بوگون “یکشنبه” ایرته‌دن چاغیده اوشبو ولایت نینگ جلریز تومنیده هوایی کوچلر تامانیدن اویوشتیریلگن هجوم عاقبتیده بیر عایله نینگ ۶ عضوی شامل ۷ تینچ اهالی هلاک ایتیلگن.
جناب هوتک نینگ ایتیشیچه، بیر عایله نینگ آته‌سی، ایکی قیزی، اوچ اوغلی و باشقه بیر اقاربی هلاک ایتیلگنلر جملهسیدن دیر. میدان وردک ولایتی کینگش اوشبو عضوی نینگ کوپه‌یتیریشیچه، مذکور کیشی‌لر کچالو ایکیش بیلن مصروف بولگن چاغده، هوایی کوچلر تامانیدن هجوم آستیگه قرار بیریلگن.
میدان‌وردک محلی و امنیتی مسوول‌لری بوتوغریده کوپراق معلومات بیریش‌نی ایستمه‌گن.
عین‌حالده، ملی مدافعه وزیرلیگی نینگ بیر خبرنامه آرقهلی ایتیشیچه، میدان‌وردک تومنی نینگ جلریز تومنیده امنیتی و هوایی کوچلر تامانیدن اویوشتیریلگن هجوم نتیجه‌سیده طالبان جنگریلریدن ۲۸ ته‌سی هلاک ایتیلگن.
طالبان گروهی حاضرگه‌قدر بوتوغریده فکر بیلدیرمه‌گن.