جوزجان قاچقینلر ریاستی باشلیغی امانالله طلحهنینگ ایتیشیچه، اوشبو ولایتده اورته بیر مکتبنینگ قوریلیش ایشی باشلنگن.
جناب طلحهنینگ کوپهیتیریشیچه، مذکور مکتب جوزجان ولایتی آقچه تومنیده، ۲۰ میلیوندن آرتیق افغانی عوضیگه قوریلهدی.
جوزجان قاچقینلر ریاستی باشلیغیگه کوره، بو مکتب اوچون آلتی صنف، ایکی اداره، کمپیوتر اتاقی، اویین ساحهسی، سوو قودوغی و باشقه امکانیتلر نظرگه آلینگن.
اوشبو اورته مکتبنینگ قوریلیشی بیلن اونلب اوقووچیگه، یخشیراق تعلیم آلیش زمینهسی یرهتیلهدی.
بوندن آلدین جوزجان معارف ریاستی، مذکور ولایتده ۱۲۷ مکتبنینگ ستندرد بناسی بولمهگنی و ۴۰ مینگدن آرتیق اوقووچینینگ آچیق فضاده درس اوقیشینی معلوم قیلگن ایدی.
مکتب، درسلیک و مسلکی اوقیتووچی کملیگی، افغانستان تعلیمی توزیمی برابریدهگی اینگ مهم قیینچیلیکلردن بیان بولهدی که بو، ستندرد تعلیملرگه اوقووچیلرنینگ فایدهلنیشینی چیکلهگن.
