بالهلردن حفاظت قیلووچی صندیغی افغانستان بولیمی یا-ده (Save the children)، نینگ اعلام قیلیشیچه، افغانستان دهگی سونگی کوچلی یاغینگرچیلیکلر، بو مملکت شرقیده زلزلهدن جبرلنگن بالهلر ساغلیگینی خوف بیلن روپهره قیلگن.
بو نهاد، اوتگن کون (۶-دلو، دوشنبه)، اوز وبسایتیده یازیشیچه، افغانستان شرقیده زلزلهدن جبرلنگن بیش مینگ ۷۰۰ عایله، وقتینچهلیک کمپلرده حیات کیچیرماقده.
بالهلردن حفاظت قیلووچی صندیغینینگ کوپهیتیریشیچه، هوا ساووقلیگی بالهلرنینگ جبرلنیشینی کوپهیتیریب و اولرنی جدی تنفسی کسللیکلرگه چلینیش خوفی آستیگه قویگن.
مذکور تشکیلاتنینگ اورغولشیچه، کنر ده یوز بیرگن اولیملی زلزلهدن حاضرگچه، مذکور ولایتده اوچ مینگ عایلهگه یاردم بیرگن و شونینگدیک جاری میلادی ییلده هم، افغانستان ده ۷۵ مینگ کیشیگه یاردم بیرهدی.
بوندن آلدین، کنر ولایتی نورگل تومنیدهگی زلزلهدن جبرلنگنلردن قطاری، دایمی باشپنه، آزیق-آوقت، ساغلیق و ایسیتووچی امکانیتلردن فایدهلنیشنی سورهگن ایدیلر.
