سالنگ قتناو یولی نینگ قیته قوریش ایشی تخمیناً ایکی آی آلدین باشلندی و بو یول حاضرگچه ترانسپورتی موترلر و یولاوچیلر یوزی گه آچیلمه‌گن، حاضر پنجشیر «خاواک» و بامیان «شیبر» یوللری سالنگ یولی بدیلی اوله‌راق قوللـه‌نیلماقده.
خاواک و شیبر یوللری ستندرد بولمسلیگی باعث، یولاوچیلر اینیقسه سوداگرلیک توارلرنی انتقال بیریش اوچون ایریم قیینچیلیک‌لر گه سبب بولگن.
سوداگرلیک و سرمایه یاتقیزیش اتاق مسئوللری نینگ ایتیشلریچه، سالنگ یولی یاپیق قالیشی ییگولیک ماده‌لر قیمتی اوستیگه تاثیر قیلگن و بو قیینچیلیک هوا ساووق بولیشی بیلن کوپه‌لیشی ممکن.
بیزلرنینگ فیسبوک صحیفه‌میزگه باش اورینگ!
سوداگرلیک و سرمایه یاتقیزیش اتاق اورین باسری خیرالدین مایل نینگ سلام‌وطندار گه ایتیشیچه: «حاضر سوداگرلیک توارلرنی انتقال بیره‌دیگن یوللر بوزوق دیر و قیینچیلیگی کوپ، قیش ده یامغیر و قار یاغیشی بیلن بو یوللر دن قتنش قیین و نرخ_نوالر اوستیگه تاثیر قیله‌دی.»
کابل شهری یشاوچیلری و دکاندارلری دن بیرقطاری، ییگولیک اینیقسه یاقیلغی ماده‌لر نرخی آشکنیدن شکایت قیله‌دیلر.
تاش‌کومیر ساتووچی مصطفا احمدی گه کوره، یوللر بوزوق‌لیگی طفیلی تاش‌کومیر قیمتی آشگن و اولر قیمت ساتیش گه مجبور بولگنلر.
او نینگ کوپه‌یتیریشیچه: «بو یوللر تاغلی و سوداگرلیک توارلرنی انتقال بیریش اوچون قیین دیر، سرک‌لر ستندرد ایمس شونی اوچون هیداوچیلر کوپ قیینچیلیک بیلن دوچ بوله‌دیلر، اجاره بلند بولسه نرخ_نوالر اوستیگه تاثیر قیله‌دی.»
اوشبو یول هیداوچیلری هم یوللر بوزوق‌لیگی دن نالیب ایتیشلریچه، بو قیینچیلیک یامغیر و قار یاغیشی بیلن نیچه برابر آشیشی ممکن.
هیداوچی احمد نینگ سلام‌وطندار گه ایتیشیچه: «یوللر بوزوق و توپراق دیر، بوندن کیین موزله‌یدی و قیینچیلیک‌لر کوپه له‌دی، اسلام امیرلیگی دن سالنگ یولی ایشینی تیزلشتیریب و قیش موسومی گه ییتیب کیلونچه یکونلتیریشنی ایسته‌ی میز.»
بیزلرنینگ «ایکس» ترماغی ده هم تعقیب قیلینگ!
هیداوچیلردن باشقه بیری گل‌احمد گه کوره: سالنگ یولی توزه‌تیلگونچه بو قیینچیلیک‌لر گه برداش بیره‌میز، سالنگ یولی ستندرد شکلده توزه‌لیشینی ایسته‌ی میز، یالغیز سالنگ ایچی ایمس بلکه ایکی تامانی هم توزه‌تیلیشینی سوره‌یمیز.»
عین‌حالده، سرپرست حکومت فواید عامه وزیرلیگی بیر بیانیه ترقه‌تیب، سالنگ قتناو یولی بیرینچی و ایکینچی بولیمی نینگ کانکریت قیلیش ایشی ۹۸ فایز و اوچینچی بولیمی نینگ ایشی ۴۵ فایز یکونلنگنیدن خبر بیرگن.
بیراق فواید عامه وزیرلیگی، سالنگ قتناو یولی نینگ قالگن ایشی قچان یکونلنیشی حقیده ایضاح کیریتمه‌گن.
