سرپل ولایتی قشقری نفت بلاکی ده ینگی سکیز قودوق آچیلیب و فایده‌لنیشگه تاپشیریلگن. اسلام امیرلیگی ییریک رسمی‌لری، سرپل ده قشقری نفت بلاکی ده ینگی سکیز قودوق نینگ آچیش و فایده‌لنیش گه تاپشیریش مراسمی گه اشتراک ایتیش اوچون بو ولایت گه سفر قیلگنلر ایتیشلریچه، اوشبو قودوق‌لر آچیلیشی بیلن نفت قازیب چیقریش میزانی هر کونی ۸۰۰ متر مکعب گه ییتیشه‌دی.
مذکور مراسم ده اشتراک ایتگن اسلام امیرلیگی باش وزیری نینگ اقتصادی اورین باسری ملابرادر آخوند گه کوره، قشقری نفت بلاکی درآمدی دن دستلب سرپل یشاوچیلری فایده‌لنیشی کیره‌ک و اسلام امیرلیگی قشقری نفت بلاکی درآمدی آرقه‌لی، سلطان‌ابراهیم سوو توغانی نینگ قوریش گه اقدام قیلگن.
بیزلرنینگ فیسبوک صحیفه‌میزگه باش اورینگ!
برادر جنابلری نینگ ایتیشیچه، قیدیرو ایشلری یکونلنیشی بیلن قازیب چیقریش باسقیچی باشلنیشی کیره‌ک ایدی؛ بیراق قولی‌لیک یره‌تیش و ایش فرصت‌لرینی یره‌تیش کبی مجبوریت‌لر طفیلی بو ایش گه اقدام قیلگنلر.
او نینگ کوپه‌یتیریشیچه: «بو ولایت نینگ ضرورت‌لری تامینلنیب و پروژه‌لر عملگه آشیریلیشی لازم و اسلام امیرلیگی باشقه پروژه‌لرنی نظر گه آلگن و حاضر پروژه‌لرنی بنیادی و اساسی شکلده تطبیق ایتماقده‌میز.»
شونینگدیک، قشقری نفت بلاکی ینگی قودوق‌لرینی آچیش و فایده‌لنیشگه تاپشیریش مراسمی گه اشتراک ایتگن کان‌لر و پترولیم وزیرلیگی سرپرستی شهاب‌الدین دلاور گه کوره، کیله‌سی ییل ده نفت قازیب چیقریش میزانینی ۸۰۰ متر مکعب دن ۳۰۰۰ مینگ مترمکعب گه آشیریش مقصدیده سعی‌وحرکت قیلماقده‌لر.
کان‌لر و پترولیم وزیرلیگی سرپرستی نینگ کوپه‌یتیریشیچه، قیدیرو جریانی یکونی بیلن افغانستان هر ییلی یالغیز قشقری نفت حوزه‌سیده بیش میلیون دالر درآمد قیلیشی ممکن.
اونگه کوره: «افغانستان دولتی یالغیز آمودریا نفت حوزه‌سیدن هر ییلی بیش میلیون دالر درآمد قیله‌دی و ایشانچلی تشقی کمپنیه‌لردن افغانستان گه کیلیب سرمایه یاتقیزیش‌لرینی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
اوشبو احتفال ده، سرپل ولایتی مقامی نماینده‌لیگیدن لطف‌الله سوز یوریتیب ایتیشیچه، اسلام امیرلیگی حاکمیتیدن کیین سرپل گه کوپ دقت قیلینگن، قشقری نفت درآمدی دن سلطان‌ابراهیم سوو توغانی نینگ ایشی باشله‌نیشی مثبت آدیم‌لردن بیری دیر.
اونگه کوره: «بیریلگن وعده‌لر عملی بولیشیدن خورسندمیز، بو ولایت ده‌گی کان‌لر کوپراق قازیب چیقریلسه ولایت ترقیاتی و رواجلنیشی اوچون اونیملی دیر.»
قشقری نفت بلاکی نی قرارداد قیلگن اف‌چین شرکت مسئوللری نینگ ایتیشلریچه، حاضرگی کونده ۱۷ قودوق دن نفت قازیب چیقریلماقده، هر کونی قازیب چیقریش میزانی ۲۰۰ مترمکعب دن ۸۰۰ مترمکعب گه آشگن.
کان‌لر و پترولیم وزیرلیگی مسئوللری نینگ معلوماتی اساسیده، یقینده باشقه بیش قودوق ایشی یکونلنیب و فایده‌لنیشگه تاپشیریلیشی کوتیله‌دی.
قشقری نفت بلاکی قودوق‌لری آچیلیشی و فایده‌لنیش گه تاپشیریلیشی بیلن حاضر بیر مینگ کیشی مستقیم و نامستقیم روشده ایش بیلن تأمینلنگن.
