سرپل ولایتی رسمی‌لری، اوشبو ولایت نینگ قشقری نفت قودوق‌لری دن هر کونی ۹۰۰ تُن نفت قازیب چیقریلیشینی معلوم قیله‌دیلر.
سرپل حاکمی محمدیعقوب عبدالرحمان اکه، سه‌شنبه کونی، ۳۰-عقرب، قشقری نفت قودوق‌لرینی کوزه‌تیش و خوفسیزلیک وضعیت نی تیکشیریش اوچون اوشبو منطقه گه بارگن ایتیشیچه، قشقری نفت کانی مملکت نینگ ملی سرمایه‌لری دن بیری سنله‌دی.
بیزلرنینگ فیسبوک صحیفه‌میزگه باش اورینگ!
اونگه کوره، قشقری نفت قودوق‌لری دن قازیب چیقریلگن درآمدلر، اوشبو ولایت نینگ قیته قوریش و ترقیاتی پروژه‌لری ده صرفلنه‌دی.
سرپل حاکمی نینگ کوپه‌یتیریشیچه: «قشقری نفت قودوق‌لری نینگ درآمدلری، قطار پروژه‌لر جمله دن ناری‌بند کوتلی نینگ تکیسلش و اف‌چین شرکتی نینگ قتناو یولی ده بویوک بیر کوپریک توزه‌تیش ایشلری گه صرفلنه‌دی و کیله‌سی ییل ده سلطان ابراهیم سوو توغانی نینگ پروژه ایشی قشقری نفت درآمدلری دن باشله‌نیشی کوتیله‌دی.»
عین‌حالده، اف‌چین شرکتی مسئوللری نینگ ایتیشلریچه، سرپل و فاریاب ولایتلری نینگ «قشقری»، «بازار کمی» و «زمردسای» منطقه‌لری ده اوشبو شرکت تامانیدن اوچ نفت کانی انیقلنگن.
بیزلرنینگ «ایکس» ترماغی ده هم تعقیب قیلینگ!
اف‌چین شرکتی نینگ معلوماتی اساسیده، مذکور منطقه‌لر دن قریب ۸۷ میلیون بشکه نفت قازیب چیقریلیشی تخمین قیلینگن.
اوشبو شرکت گه کوره، قشقری نفت قودوق‌لریدن نفت قازیب چیقریش هر کونی، ۶۵۰ تُن دن ۹۰۰ تُن گه آشگن.
