مملکت قیشلاق‌لرنی رواجلنتیریش و قیته قوریش سرپرست وزیری، ۱۱-جدی دوشنبه کونی، سرپل ولایتی گه قیلگن سفری دایره‌سیده، اوشبو ولایت مرکزی ده بیش سوو ییتکیزیب بیریش شبکه نی فایده‌لنیشگه تاپشیرگن.
قیشلاق‌لرنی رواجلنتیریش و قیته قوریش سرپرست وزیری محمدیونس آخوندزاده، مذکور شبکه‌لرنی فایده‌لنیش گه تاپشیریش مناسبتی بیلن اوتکزیلگن ییغیلیش ده، بو شبکه‌لر سرپل مرکزی نینگ بیش قیشلاغیده قوریلیب و یشاوچیلر ایچیملیک سوو بیلن تامینلنگنینی ایتگن.
بیزلرنینگ فیسبوک صحیفه‌میزگه باش اورینگ!
آخوندزاده جنابلری نینگ کوپه‌یتیریشیچه، قیشلاق‌لرنی رواجلنتیریش و قیته قوریش وزیرلیگی مملکت بویلب یشاوچیلر نینگ قیینچیلیگی حلی اوچون تلاش قیلماقده دیر.
سرپل ولایتی قیشلاق‌لرنی رواجلنتیریش و قیته قوریش ریاستی نینگ برنامه‌لر آمری کنشکا جلیلی گه کوره، تورت‌ته‌سی چقور قودوق‌لر و بیرته‌سی بولاق اوستیگه قوریلگن سوو ییتکیزیب بیریش اوشبو بیش شبکه ایشی یکونلنگن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه، مذکور سوو ییتکیزیب بیریش شبکه‌لر سولری سیستم بیلن تامینلنگن و سرپل مرکزی گه قره‌شلی سلطان غجر، اچه قلعه، پنجشیر قیشلاغی، بیش کپه و اوراج قیشلاق‌لری اهالیسی اوندن فایده‌لنه دیلر.
جلیلی جنابلری گه کوره، بو پروژه‌لر فایده‌لنیشگه تاپشیریلیشی بیلن بیر مینگ ۴۵۰ عایله ایچیملیک سوو بیلن تامینلنگن.
