سرپل خوفسیزلیک مسئوللری نینگ ایتیش‌لریچه، بوگون (۴شنبه، ۱۷-جوزا) توش‌دن کیین، اوشبو ولایت‌ده یوز بیرگن ترافیکی حادثه نتیجه‌سیده، ۲۴ کیشی اولیب و ۱ کیشی ایسه یره‌لنگن.
سرپل امنیه قوماندانلیگی سوزلاوچیسی دین‌محمد نظری نینگ سلام‌وطندار گه ایتیشیچه، مذکور حادثه سرپل ولایتی صیاد تومنی نینگ «اله‌تو» قیشلاغیدن «خواجه‌یگانه» قیشلاغی تامان حرکت‌ده بولگن «فلانکوچ» رسوملی بیر موتر نینگ چپه بولگنی نتیجه‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
سرپل امنیه قوماندانلیگی سوزلاوچیسی گه کوره، اوشبو حادثه نتیجه‌سیده، ۱۲ عیال، ۸ باله و ۴ ایرکک شامل ۲۴ کیشی اولیب و بیر عیال ایسه یره‌لنگن.
جناب نظری نینگ کوپه‌یتیریشیچه، محلی و خوفسیزلیک مسئوللری اوشبو حادثه‌ده یره‌لنگن و اولگنلر نی ساغلیق مرکزلری گه انتقال بیرگنلر.
بیزلرنینگ توییترده هم تعقیب قیلینگ!
خوفسیزلیک مسئوللری نینگ بیاناتی اساسیده، مذکور حادثه هیداوچی نینگ توجه‌سیزلیگی سبب، یوز بیرگن.