سرپل محلی مسئوللری، چهارشنبه کونی، ۲۲ سنبله، اوشبو ولایت نینگ مرکزی گه قره‌شلی «تاش‌گذر» قیشلاغیده نیچه قیشلاق نی مرکز بیلن باغله‌یدیگن ۴۸۰ مینگ دالرلیک ۲.۵ کیلومتر سرک نینگ کانکریت قیلیش ایشی باشلنگنیدن خبر بیرگنلر.
مذکور سرک نی کانکریت قیلیش مراسمی ده «آف‌چین» شرکتی مدیری فریدالله نینگ ایتیشیچه، اوشبو سرک نینگ قیته قوریش ایشی «آسیاآباد» منطقه‌سیدن «قشقری» قیشلاغی گچه، ۲.۵ کیلومتر اوزون‌لیکده باشلنگن.
بیزلرنینگ فیسبوک صحیفه‌میزگه باش اورینگ!
اونگه کوره، مذکور پروژه نینگ ایشی ۹۰ کونگچه یکونلنیب و فایده‌لنیشگه تاپشیریلیشی کوتیله‌دی.
«آف‌چین» شرکتی مدیری نینگ کوپه‌یتیریشیچه، اوشبو سرک قشقری نفتی ترقیاتی پروژه‌لریدن بولیب و بودجه‌سی «آف‌چین» شرکتی تامانیدن توله‌نیلیب و اونلب کیشی ایش بیلن تأمینلنه‌دی.
مذکور مراسم ده، سرپل حاکمی محمدیعقوب عبدالرحمان اکه، محل یشاوچیلری دن اوشبو پروژه اساسی روشده عملگه آشیریلیشی اوچون محلی مسئوللر و مسئول شرکت بیلن همکارلیک قیلیش‌لرینی طلب قیلگن.
بیزلرنینگ توییترده هم تعقیب قیلینگ!
باشقه تاماندن، محل یشاوچیلریدن بیرقطاری، محلی مسئوللر و مسئول شرکت دن منتدارلیک بیلدیریب، سرپل ده بو کبی پروژه‌لر تطبیق ایتیلیشینی سوره‌گنلر.
قشقری نفتی یولی ده بولگن اوشبو سرک دن، هر کونی اونلب تیل تانکری قتنه‌یدی.
