سرپل ولایتیده اوزوم و ایکینچیلیک محصولات فیستیوالی بوگون (۱۵-سنبله، پنجشنبه) یولگه قوییلدی. اوشبو فیستیوال ده سرپل نینگ قاوون، ترووز، اوزوم، آلمه، بهی، پیاز، نخود، کونجوت و باشقه بیرقطار میوه‌لری کورگزمه گه قوییلگن.
سرپل معلومات و مدنیت باشلیغی عبدالقادر حق‌نما نینگ سلام‌وطندار گه ایتیشیچه، بو فیستیوال محنت‌کارلر و باغ‌دارلرنی قۉللب-قوتلش مقصدیده مذکور ولایت نینگ ایکینچیلیک، سوغاریش و چاروه‌لیک ریاستی همکارلیگی بیلن یولگه قوییلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو برنامه سرپل ولایتی بویلب دیر؛ بوتون تومنلردن دهقان‌لر میوه‌لرینی آلیب کېلگن، سوداگرلر دهقان‌لرنی قۉللب-قوتلب و دهقان‌لر اۉز قیینچیلیک‌لرینی اېتیسینلر بیز مسئوللر اونی مرکز بیلن شریک قیلیب و حل قیله‌‌یدیک.»
سرپل معلومات و مدنیت باشلیغی، اوشبو ولایت نینگ ایکینچیلیک ریاستی اویغون‌لیگی بیلن سرپل ده‌گی دهقان‌لر و باغ‌دارلر نینگ قیینچیلیک‌لرینی مرکز بیلن شریک قیلیش اوچون سعی-حرکت قیلگنلریدن ایشانچ بیره‌دی.
بیزلرنینگ «ایکس» ترماغی ده هم تعقیب قیلینگ!
سرپل ایکینچیلیک، سوغاریش و چاروه‌چیلیک ریاستی نینگ زراعت ایشلری بوییچه آمری شریف‌الله مصدق، طبیعی کسل‌لیک‌لر اونگی آلینیشی اوچون ایکینچیلیک زمانه‌وی لشتیریلیشی کېره‌ک دیېدی.
اونینگ کوپه‌یتیریشیچه: «بیز سیزلر نینگ همکارلیگینگیز بیلن ایکینچیلیک محصولات و میوه‌لر بو کبی فیستیوال‌لرده کورگزمه گه قوییلیب و یېتکرمه‌لر ده ریکلام و مناسب نرخ ده ساتیلیشنی اېسته‌یمیز.»
سرپل ده‌گی دهقان‌لر، سرپرست حکومت تامانیدن حاضرگه قدر اولر گه هېچ دقت بولمه‌گنینی اېته‌دیلر.
