برازیل سانتوس کلوبی، نیمارنینگ اوشبو جماعه گه قیتگنینی رسمی طرزده معلوم قیلدی.
سانتوس کلوبی، بوگون (۱۳-دلو، شنبه) ایکس صحیفه‌سیده بیر بیانیه ترقه‌تیب، برازیل فوتبال یولدوزی نیمار جونیور، اوشبو کلوب گه قیتگیندن خبر بیرگن.
بیزلرنینگ فیسبوک صحیفه‌میزگه باش اورینگ!
سعودی عربستان الهلال کلوبی‌نینگ ۳۶ یاشر هجومچیسی، ۱۲ ییل‌دن سۉنگ سیوملی جماعه‌سی سانتوس گه قیتیب و اوشبو جماعه بیلن آلتی آی‌لیک شرطنامه امضاله‌گن.
برازیل فوتبال یولدوزی ۳۶ یاشر نیمار جونیور اوسمیرلیگیده فوتبال‌نی سانتوس کلوبی‌ده باشله‌دی و میلادی ۲۰۰۹-ییل‌ده بویوک‌لر جماعه‌سی گه قوشیلدی. ۲۰ یاشنی تولدیرمسدن ۱۷۷ اویینده سانتوس کییمی بیلن میدان گه چیقیب و ۱۰۷ گل اوروش گه اولگوردی.
بیزلرنینگ «ایکس» ترماغی ده هم تعقیب قیلینگ!
نیمار مذکور کلوب‌ده پارله‌گنی اوچون کوپینچه اروپا جماعه‌لری اینیقسه بارسلونا اعتبارینی اۉزیگه قره‌تیب و نهایت بو کلوب گه قوشیلدی و کېین اېسه میلادی ۲۰۱۷-ییل‌ده ۲۲۲ میلیون یورو عوضی گه فرانسه پاری‌سن ژرمن کلوبی گه قوشیلیب و اوییردن میلادی ۲۰۲۳-ییل‌ده ۹۰ میلیون یورو بیلن سعودی عربستان الهلال کلوبی گه قوشیلدی.
