سمنگان ولایتی نینگ مرکزی ایبک شهری حدودلریده جایلشگن دینی بیر مدرسه ده پارتلش عاقبتیده، ۱۰ کیشی اولیب و باشقه بیر قطار کیشی‌لر یره‌لنگن.
ایچکی ایشلر وزیرلیگی سوزلاوچیسی عبدالنافع تکور اوز توییتری ده، بوگون (چهارشنبه، ۹ قوس) توش دن کیین سمنگان مرکزی ایبک شهری ده‌گی دینی مدرسه‌لردن بیری ده پارتلش یوز بیرگنینی یازگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی سوزلاوچیسی گه کوره، مذکور پارتلش عاقبتیده اوشبو مدرسه نینگ چمه‌سی ۱۰ اوقووچیسی هلاک بولگن و باشقه بیر قطاری ایسه یره‌لنگن.
عبدالنافع تکور نینگ کوپه‌یتیریشیچه، کشفی و امنیتی کوچلر اوشبو «کیچیریب بولمس واقعه» عامللرینی قولگه آلیش مقصدیده سعی و حرکت قیلماقده‌لر.
ایتیش کیره‌ک که، آلدینراق سمنگان ده‌گی محلی منبع‌لر، اوشبو ولایتده دینی بیر مدرسه ده پارتلش یوز بیرگنیدن خبر بیرگندیلر.
بیزلرنینگ توییترده هم تعقیب قیلینگ!
مذکور منبع‌لر گه کوره، پارتلش ایبک شهری حدودلری بندر سرکی منطقه‌سیده جایلشگن «الجهادی» مدرسه‌سیده جماعت نمازینی اوقیش چاغیده یوز بیرگن.
اوشبو پارتلش مسئولیتینی حاضرگچه هیچ کیم یا گروه تن آلمه‌گن.
