سمنگان ساغلیق‌نی سقلش مسئوللری نینگ ایتیشلریچه، اوشبو ولایت‌ده یوز بیرگن ترافیکی حادثه نتیجه‌سیده، بیر عایله نینگ ایکی عضوی اولیب و باشقه آلتی کیشی ایسه یره‌لنگن.
سمنگان ولایتی کسل‌خانه آمری سید‌عثمان حمیدی نینگ سلام‌وطندار گه ایتیشیچه، اوتگن کیچه ساعت ۱۰:۵۰ اطرافیده، مذکور ولایت مرکزی ایبک شهری نینگ «دره‌ی زندان» ساحه‌سیده، «کرولا» رسوملی بیر موتر سرک‌دن چیقیب چپه بولگن.
بیزلرنینگ توییترده هم تعقیب قیلینگ!
سمنگان ولایتی کسل‌خانه آمری نینگ کوپه‌یتیریشیچه، اوشبو حادثه نتیجه‌سیده، بیر عایله‌دن ایکی عیال اولیب و باشقه آلتی کیشی یره‌لنگن.
سید‌عثمان حمیدی اوشبو حادثه نتیجه‌سیده یره‌لنگن تورت کیشی نینگ وضعیتی نی یامان دیب ایتیشیچه، یره‌لنگن‌لر آره‌سیده ایکی باله شامل دیر.
بیزلرنینگ فیسبوک صحیفه‌میزگه باش اورینگ!
سمنگان ولایتی کسل‌خانه آمری گه کوره، وضعیتی یامان بولگن یره‌دارلر اوشبو کسل‌خانه نینگ عاجل مراقبت‌لر بولیمی‌ده درمان آستیده قرار تاپگن.
ایتیش کیره‌ک که، سونگی کون‌لر مملکت نینگ قطار ولایت‌لریده ترافیکی حادثه‌لر کوپه‌یگن دیر.
