سمنگان ده باغ‌دارلردن قطاری نینگ ایتیشلریچه، سونگی ییل‌لرده هوا نینگ ساووق‌لیگی و اوسیم‌لیک کسللیکلری کوپه‌یشی، باغ‌لری نینگ حاصلاتی کمه‌یشی گه سبب بولگن.
اوشبو ولایت‌ده‌گی باغ‌دارلردن نوراحمد نینگ ایتیشیچه، باغی گه ۲۰۰۰ درخت جمله‌دن سکیز‌خیل بادام درختی نی ایککنی بیرحالده؛ بیراق سونگی ایکی ییل جریانیده هوا نینگ ساووق‌لیگی و اوسیم‌لیک کسللیکلری کوپه‌یگنی سبب، بو قطار درخت‌لریدن یخشی شکلده حاصل قولگه کیلتیره آلمه‌گن.
اونینگ کوپه‌یتیریشیچه: «درخت‌لر گل قیلگن ایدی، قار و یامغیر بولیب، برچه‌سی نی ساووق اورگن. حمل آیی‌ده شکررک کبی آفت‌لر برگ‌لر نی تیشه‌دی و بو کبی کسل‌لیک‌لر نی تانیب و دوا سیپه‌میز که اورته‌دن کیتسین دیب، لیکن قارچ کبی خطرناک آفت‌لر بار که درخت‌لر گه زیان ییتیشتیره‌دی.»
بیزلرنینگ فیسبوک صحیفه‌میزگه باش اورینگ!
شونینگدیک باغ‌دارلردن باشقه بیری عبدالکریم نینگ ایتیشیچه: «ایکی ییل بوله‌دی که درخت‌لر نی ساووق اورگنی سبب، هیچ حاصل آلگنیمیز یوق. شکررک، اشپشک و باشقه بیر قطار آفت‌لر، درخت‌لر گه زیان ییتیشتیره‌دی. کوپینچه پیت درخت‌لر شاخچه‌لری نی کیسه‌میز، یا-ده آلاو بیره‌میز و شو رقم بعضا دوادن قوللنیش گه مجبور بوله‌میز.»
مذکور باغدارلر سرپرست حکومت و یاردم بیرووچی نهاد‌لردن، اوسیم‌لیک کسللیکلری گه قرشی کوره‌ش اوچون باغ‌دارلردن حمایت بولینیشی و اولر گه نیاز بولگن دارولر ترقه‌تیلیشی نی ایسته‌گنلر.
باشقه بیر تاماندن، سمنگان ایکینچیلیک، سووغاریش و چاروه‌چیلیک ریاستی مسئوللری، اوشبو ولایتده اوسیم‌لیک کسللیکلری کوپه‌یگنی نی تصدیق‌لب ایتیشلریچه، مذکور ریاست دایم باغ‌دارلردن حمایت قیلیش اوچون، ایکینچیلیک کسللیکلری و آفتلری خصوصیده آگاهی‌لیک بیریش برنامه‌لری نی یولگه قوییب و کوچلری ییتیشگونگه قدر، باغدارلر گه درخت‌لری اوچون دارو ترقه‌تگنلر.
سمنگان ولایتی ایکینچیلیک ریاستی نینگ اوسیم‌لیک‌لر نی سقلش و رواجلنتیریش عمومی مدیری محمد نینگ ایتیشیچه، مذکور ولایتده سکیزمینگ هکتار ییردن آرتیق بادام باغی بار و هر ییلی قریب ۳ مینگ تُن بادام قولگه کیله‌دی.
اونینگ کوپه‌یتیریشیچه: «سمنگان ولایتی‌ده ۸ مینگ ۱۲۴ هکتار بادام باغی بار و ییل‌ده تولیدی ۲۷۰۰-۲۸۰۰ تُن گه ییتیشه‌دی. ۱۴۰۲-ییل‌ده قیش موسومی‌ده هوا ساووق‌لیگی سبب، تولید مقداری ۱۹۰۰ تُن گه ییتیشگن و اوشبو بادام باغ‌لریده آفت‌لر موجود. ایکینچیلیک ریاستی ایشلاوچیلریدن بیر تیم،کوز موسومی‌ده ساحه گه باریب و بو آفت‌لر کنترول بولیشی اوچون باغدارلر گه رهنمایی قیله‌دیلر.»
ستاربایی، شکوربایی، خیرالدینی، قنبری، مروجی، صندوقی، کاغذی و سنگگ، سمنگان ولایتی‌ده‌گی باغ‌لرده تولید بوله‌دیگن سکیز تور بادام دیر که اولردن کوپینچه‌سی مملکت‌دن تشقی گه صادر بوله‌دی.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، سمنگان ده باغ‌دارلیک ایشلری بوییچه ایش بیلرمان‌لری نینگ ایتیشلریچه، اوشبو ولایتده بادام درخت‌لری برابریده‌گی آفت‌لر آلدی آلینگنی صورت‌ده، حاصلات سطحی نینگ کوپه‌یشی ممکن.
سمنگان ایکینچیلیک ایشلری بوییچه بیلرمان‌لردن گلاب‌الدین غیاثی نینگ سلام‌وطندار گه ایتیشیچه، هر ییلی اوسیم‌لیک آفتلری بادام درخت‌لرینی نی تهدید قیله‌دی. اونینگ کوپه‌یتیریشیچه: «کوپینچه پیت دهقان‌لر بادام قورتی خصوصیده صحبت قیله‌دیلر که او قورت بادام‌دن ایمس، او اوسیم‌لیک آفت دیر. آفت‌لر سانی کوپ و شو رقم اوسیم‌لیک شکررک‌لری هم بار. یامغیرلی ییل بولگنی‌ده آفت‌لر نی کوپه‌یتیره‌دی، بیراق مرکز و تومنلر اوسیم‌لیک‌لردن حفاظت قیلیش عمومی مدیریتی و ایکینچیلیک اداره‌سی و ریاست پرسونلی، دهقان‌لر گه نسخه بیریب و اولر گه رهنمالیک قیلیش و شونینگدیک آفت‌لر نی بیللی قیلیب و دهقان‌لر قیین‌چیلیک‌لری نی حل قیلیشلری کیره‌ک.»
ایتیش کیره‌ک که، سمنگان افغانستان نینگ شمالی‌ده جایلشگن ولایت‌لریدن دیر که یشاوچیلریدن کوپینچه‌سی ایکینچیلیک و باغ‌دارلیک بیلن شغللنیب و بو یول آرقه‌لی عایله‌لری نینگ نیازلری نی تأمین قیله‌دیلر.
