سمنگان امنیه قوماندانلیگی سوزلاوچیسی حشمت‌الله رحمانی نینگ سلام‌وطندار گه ایتیشیچه، بوگون ایرتنگ چاغی ساعت ۰۹:۰۰ اطرافیده، اوشبو ولایت‌ده یوز بیرگن ترافیکی حادثه نتیجه‌سیده، بیر کیشی اولیب و تورت کیشی یره‌لنگن.
جناب رحمانی نینگ کوپه‌یتیریشیچه، اوشبو حادثه قندوز ولایتی‌دن سمنگان تامان باره‌دیگن «پاسو» رسوملی بیر موتر نینگ سمنگان ولایتی خلم تومنی کوتل شباغلی ساحه‌سیده، سرک‌دن چیقیب و چپه بولگنی نتیجه‌سیده یوز بیرگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، بوگون ایرته‌لب سمنگان-بغلان قتناو یولیده هم ترافیکی بیر حادثه یوز بیریب و ۷ کیشی یره‌لنگن ایدی.
سمنگان ولایتی ترافیک مدیریتی مسئوللری، ترافیکی حادثه‌لردن کوپینچه‌سی نینگ سببی نی هیداوچیلر نینگ احتیاط‌سیزلیگی دیگنلر.