سمنگان مرکزی ایبک شهری‌ده یشش بیر اوی نینگ دیواری قولشی عاقبتیده، کیکسه بیر عیال هلاک بولگن.
سمنگان امنیه قوماندانلیگی سوزلاوچیسی حشمت‌الله رحمانی نینگ ایتیشیچه، اوتگن کون (پنج‌شنبه، ۳-جوزا)، توش‌دن آلدین ساعت ۱۰:۰۰ اطرافیده، ایبک شهری نینگ «چرمگری» قیشلاغیده یشش بیر اوی نینگ دیواری قولشی عاقبتیده، بیر عیال هلاک بولگن.
بیزلرنینگ فیسبوک صحیفه‌میزگه باش اورینگ!
جناب رحمانی نینگ کوپه‌یتیریشیچه، مذکور واقعه‌ده ۷۵ یاشر بیر عیال دیوار آستیده قالیب و کسل‌خانه گه انتقال تاپگنی‌دن کیین جان بیرگن.
شونده‌ی بیرحالده، سه‌شنبه، ۲۵-ثور، فراه ولایتی‌ده جایلشگن یشش بیر اوی نینگ تامی قولشی نتیجه‌سیده، آلتی کیشی اولیب و ۱۱ کیشی یره‌لنگن ایدی.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، مملکت نینگ بیرقطار ولایت‌لریده یاغینگرچیلیک و سوو تاشقین‌لر یوز بیرگنی نتیجه‌سیده، بو کبی واقعه‌لر یوز بیریب و یشاوچیلردن قربان‌لیک آلگن.
