سمنگان ولایتی حضرتسلطان تومنی، خُلم و فیروزنخچیر تومنلریدن کیین، جاری قویاش ییل ۱۲-عقربده یوز بیرگن زلزله نتیجهسیده اینگ کوپ زیان کورگن.
حضرتسلطان تومنی ولسوالی عبدالوکیل حقیارنینگ ایتیشیچه، مذکور تومنده یوز بیرگن زلزلهده بیر باله قربان بولیب و ۷۰ دن آرتیق کیشی یرهلنگن. اونینگ کوپهیتیریشیچه، حضرتسلطان تومنیده بیر مینگ ۸۰۰ یشش اوی زیان کورگن. «حضرتسلطان تومنیده قریب ۳۰۰ اوی بوتونلی و بیر مینگ ۵۰۰ اوی ایسه قسمی شکلده خراب بولگن؛ بیر کیشی اولدی و بیر قطار کیشی یرهلندی. یرهلنگنلر باشده تومندهگی دوالنیش مرکز و کیین ایسه ولایتی کسلخانه گه انتقال بیریلدی.»
باشقه بیر تاماندن، حضرتسلطان تومنی یشاوچیلریدن قطارینینگ ایتیشلریچه، یوز بیرگن زلزله نتیجهسیده برچه نرسهلرینی قولدن بیریب و عادی حیاتگه قیتیش اوچون ییللر زمان گه نیاز بار.
حضرتسلطان تومنی «سنکرخیل» منطقه یشاوچیسی محمد زمانگه کوره، زلزلهدن کیین بو قیشلاق یشاوچیلرینینگ دستلبکی حیات خذمتلریدن فایدهلنیش امکانیتلری کیسیلگن. اونینگ کوپهیتیریشیچه: «اویلر ویران بولدی و کیچه تامان بالهلر اویگه باره آلمهیدیلر؛ اهالی اویلرینی قیته قوره آلمهیدیلر و خیمهلر آستیده اوخلهش گه مجبورلر؛ کیچهدن ایرتنگگچه قورقیش سبب اوخله آلمهیمیز.»
حضرتسلطان تومنی «غزنیگک» منطقه یشاوچیلریدن جاویدنینگ ایتیشیچه، مذکور تومندهگی جبرلنگنلر باشپنه گه نیازلری بار. «بیزلرگه پول یاردم بیریلیشی کیرهک که ویران بولگن اویلریمیزنی قیته قورسهک؛ چونکه حاضر قرض آلیب اویلریمیزنی قیته قورهمیز و اویگه کیرهک بولگن نرسهلرنی قرضگه ساتیب آلدیک.»
افغانستان شمالیده ۱۲-عقربده یوز بیرگن زلزلهده، جانی تلفات یانیده ۳۰۰۰دن آرتیق یشش اوی بوزیلیب و عایلهلردن قطاری جبرلنیش وضعیتیده قرار تاپگن.
