جمهوررئیس بیرینچی اورین‌باسری امرالله صالح، میدان وردک نینگ بهسود تومنیده بیر هلیکوپتر قوللب توشگنی عاقبتیده ۵ حربی و ۴ خدمه هلاک ایتیلگنی نی آچیق بیر جنایت دیب و مذکور حادثه عامللری جزالنتیریلیشی اوستیگه اورغوله‌گن.
جناب صالح نینگ ایتیشیچه، مملکت هوایی کوچلری نینگ بیر هلیکوپتری ناقانونی قوراللی قومندان‌لردن بیری علی‌پور نینگ جنگریلری آرقه‌لی هجوم گه آلینگن کیچه‌سی، بهسود گه هیچ بیر کیشی گه قرشی هیچ قنده‌ی حربی عملیات اویوشتیریلیشی گه قرار قیلینمه‌گن ایکن. اونینگ کوپه‌یتیریشیچه، بو موضوع نی قوم گه نسبت بیریش ناتوغری دیر.
۲۸- حوت ده مملکت مدافعه وزیرلیگی میدان وردک ولایتی نینگ بهسود تومنیده ۷۷۷ لوا گه تیگیشلی می – ۱۷ هلیکوپتری قوللب توشگنی نی اعلام قیلدی. مذکور حادثه‌ده ۵ حربی و بو هلیکوپترنینگ پیلوتی شامل ۴ خدمه‌سی جان بیرگن.
بو هلیکوپتر سقوطی مسئولیتی نی ناقانونی قومندان‌لردن بیری علی‌پور بوینیگه آلگن. اوشبو حادثه‌دن کیین حکومت بو هلیکوپتر سقوط انتقامی نی آلیش گه سوز بیردی.
ایکی کون آلدین مدافعه وزیرلیگی، بهسود تومنیده امنیتی کوچلرنینگ هوایی هجومیده علی‌پور گه تیگیشلی ۱۲ جنگری هلاک ایتیلگنی نی اعلام قیلدی.