حادثه‌لر گه ییتیشیش بوییچه دولت وزیرلیگی مسئوللری نینگ ایتیشلریچه، افغانستان ده ماین‌لر و پارتلمه‌ی قالگن مادهلر تلفاتی اوتگن ییل گه قره‌گنده، کوپه‌یگن دیر.
اوشبو وزیرلیک مسئوللری نینگ کوپه‌یتیریشلریچه، اوتگن سکیز آی‌ده ۲۱۳ باله، ماین‌لر نینگ پارتلیشی عاقبتیده اولیب و یره‌لنگن.
حادثه‌لر گه ییتیشیش بوییچه دولت وزیرلیگی نینگ ماین‌لر نی تازه‌لش ایشلرینی بیرلشتیریش و هماهنگ ایتیش ریاستی باشلیغی نورالدین رستم‌خیل نینگ سلام‌وطندار گه ایتیشیچه، جاری میلادی ییل نینگ باشلنگنی‌دن حاضرگچه، مملکت بویلب ۱۶۹ ماین پارتلش واقعه‌سی یوز بیرگنی نتیجه‌سیده، ۳۲۱ کیشی اولیب و یره‌لنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «میدان‌وردک، غزنی، زابل، قندهار، خوست، پکتیا، پکتیکا، اوتگن ۲۰ ییل‌ده هیچ نرسه انجام بولمه‌گن و ماین تازه‌لش خذمات‌لری صورت تاپمه‌گن افلاسلنگن شرقی ولایت‌لردن دیر.»
باشقه بیر تامان‌دن، بیرلشگن ملت‌لر تشکیلاتی نینگ باله‌لردن حمایت قیلووچی صندیغی یا-ده یونیسف، ینگی‌لیکده افغانستان نینگ پارتلمه‌ی قالگن ماین‌لر بیلن افلاسلنگن بیر مملکت عنوان قیلیب و اوشبو ماین‌لر قربانی‌لریدن ۸۵ فایزی نی باله‌لر تشکیل بیره‌دی دیگن.
۱۵ یاشر رمان، تورت آی آلدین کابل نینگ سروبی تومنی‌ده بیر ایاغی نی ماین پارتلشی عاقبتیده قولدن بیرگن دیر.
اوشبو باله نینگ آته‌سی محمد‌گل نینگ ایتیشیچه، اوغلی قویلری نینگ ییلاو گه آلیب باریش پیتده، ماین بیلن توقنشگن. اونینگ کوپه‌یتیریشیچه: «ماین‌لر ییر آستیده یاشیریلگن ایکن و اوغلیم قوی‌لر نی تاغ گه آلیب بارگنی پیتده، پارتلگن. وضعیتی جوده‌یم یامان ایدی و سروبی‌ده درمان قیلدیک؛ بیراق بولمه‌دی. کابل گه کیلتیردیک. اوچ هفته ایمرجنسی‌ده بستری ایدی.»
شونینگدیک قربانی‌لردن باشقه بیری احمد‌الله، غزنی نینگ قره‌باغی منطقه‌سیده ۱۸ آی آلدین هاوان اوقی پارتلشی عاقبتیده، ایکی ایاغی نی قولدن بیرگن. احمد‌الله نینگ ابه‌سی فهیم نینگ ایتیشیچه: «بو باله ایکی دوستی بیلن اویینه‌ر ایکنلر و بیر اوق نی تاپگنلریدن کیین، باله‌لردن بیری تاش بیلن اوق نی اورگن دیر که اوشه پیتده، پارتله‌گن. بو باله‌لر خو ماین نی تانیمه‌یدی. انه شوو سبب، خوف‌لیک بولگنی نی بیلمه‌گن.»
افغانستان اینیقسه اوزاق منطقه‌لرده باله‌لردن کوپینچه‌سی، ماین‌لر و اونینگ خطری خصوصیده معلوماتی یوقلیگی سبب، قربانی بوله‌دی.
عین حالده، حادثه‌لر گه ییتیشیش بوییچه دولت وزیرلیگی نینگ ماین‌لر نی تازه‌لش ایشلرینی بیرلشتیریش و هماهنگ ایتیش ریاستی مسئوللری نینگ ایتیشلریچه، معلومات بیریش خصوصیده ۵۸ تیم ایشله‌یدی؛ بیراق اوشبو ریاست کوپراق ساحه‌لر نینگ تازه‌لنیشی و معلومات بیریلیشی نینگ کوپه‌یشی اوچون، کوپراق بودجه گه نیازی بار.
بیزلرنینگ توییترده هم تعقیب قیلینگ!
نورالدین رستم‌خیل نینگ ایتیشیچه: «۳۳ ییل‌دن بیری ماین تازه‌لش پروگرامی تشقی یاردم‌لر گه تیگیشلی دیر و بو جدی بیر قیین‌چیلیک دیر. تشقی برچه نهاد‌لردن کوپینچه ساحه نینگ تازه‌لنیشی اوچون یاردم‌لری نینگ کوپه‌یتیریشلری نی ایسته‌یمیز.»
ایتیش کیره‌ک که، بوندن آلدین سرطان آیی‌ده خلق‌ارا قیزی خاج کمیته‌سی بیر گزارش ترقه‌تیش بیلن اعلام قیلگن که، افغانستان ده ۲۰۲۲-ییل جنوری آیی‌دن ۲۰۲۳-ییل جون آیی‌گچه، بیر مینگ ۹۲ کیشی پارتلمه‌ی قالگن ماین‌لر پارتلیشی نتیجه‌سیده، اولیب و یره‌لگن و اولر ارا ۶۴۰ ته‌سی باله‌لر دیر که، ماین‌لر و اوروش قورال-یراغی پارتلشی ۵۴۱ واقعه‌ده، اولیب و یره‌لنگن.
حادثه‌لر گه ییتیشیش بوییچه دولت وزیرلیگی نینگ ماین‌لر نی تازه‌لش ایشلرینی بیرلشتیریش و هماهنگ ایتیش ریاستی آماری اساسیده، حاضرگچه بیر مینگ و ۲۰۰ کیلومتر‌دن کوپراق ییر افغانستان ده پارتلمه‌ی قالگن ماین‌لر بیلن افلاسلنگن که، تازه‌لنیش گه نیازی بار.
