اوکراین رسمیلری، روسیه آرقهلی بو مملکت گه اویوشتیریلگن هجوملر نتیجهسیده، ایکی باله شامل کمیده ۱۱ کیشی اولگنینی معلوم قیلگنلر.
رویترز آژانسینینگ بوگون (۱۷-حوت/ ۸-مارچ، یکشنبه)، گزارش بیریشیچه، روسیه شنبه کونی شام چاغی، اوکراین شمالشرقیده خارکیف شهرینی راکته و پهپادی بیلن نشان گه آلگن.
گزارش اساسیده، روسیه اوکراین پایتختی کییف ده بو مملکت تیمیر یول آستقورمهسی و تورت ته تیمیر یول بیکتینی هم نشانگه آلگن.
اوکراین جمهور باشلیغی ولودیمیر زلنسکی، خارکیف گه اویوشتیریلگن روسیه هجومینی دهشتلی بیلیب و بو مملکت گه کوپینچه قورال و هوا مدافعه تیزیملری یرهتیلیشینی سورهگن.
بو بیلن بیرگه، روسیه مدافعه وزیرلیگینینگ اعلام قیلیشیچه، اوشبو مملکت کوچلری اوتگن کیچه اوکرایننینگ انرژی قوریلمهلری، حربی هوا پایگاهلری و حربی صناعت جایلرینینی نشانگه آلگن.
روسیه و اوکراین آرهسیدهگی اوروش، ۲۰۲۲-ییل ۲۴-فبروری باشلهنیب و تورت ییل اوتگنی بیلن حاضرگچه دوامی بار.
