اوکراین پایتختی کییف گه روسیهنینگ اویوشتیرگن کینگ کولملی هجومی عاقبتیده، تورت کیشی اولیب، بیشته یاردم بیرووچی شامل کمیده ۲۵ کیشی یرهلنگن.
خلقارا ییتکرمهلرنینگ بوگون (۲۰-جدی/ ۱۰-جنوری، شنبه)، گزارش بیریشیچه، اوکرایننینگ بیر قطار بولیملریگه روسیه آرقهلی اویوشتیریلگن ینگی هجوملر نتیجهسیده، مینگلب یشش اوینینگ برقی کیسیلگن.
کییف بلدیهسی باشلیغی ویتالی کلیچکونینگ ایتیشیچه، روسیه هجوملری عاقبتیده مینگلب یشش اوی منفی صفر درجه حرارتده ایسیتغیچ، سوو و برق بولمسلیک قیینچیلیکلری بیلن روپهره بولگن.
شونینگدیک روسیه کوچلری، خارکیفده بیر کسلخانهنی نشانگه آلگن که نتیجهده، مخصوص مراقبتلر بولیمی زیان کوریب و اوچ همشیره یرهلنگن.
خلقارا ساغلیقنی سقلش تشکیلاتی باشلیغی تدروس آدهانون گبریسوس، اوکراین ده دوالنیش مرکزلرینینگ نشانگه آلینیشینی قارهلب و آگاهلنتیریشیچه، بو هجوملر قیشده دوالنیش خذمتلری کورسهتیلیشینی قیینراق قیلگن.
روسیه ۲۰۲۲-ییل ۲۴-فبروری اوکراین گه هجوم قیلیب و ایکی مملکت آرهسیدهگی توقنشوولر، دنیا ایکینچی اوروشیدن کیین اروپانینگ اینگ اولیملی و بویوک اوروشیگه اَیلنگن. تینچلیک کیلیشوویگه ییتیشیش اوچون امریکا رهبرلیگیده خلقارا سعیوحرکتلر بولگنی بیرحالده، ایکی تامان آرهسیده اوروشنینگ دوامی بار.
