اوکراین جمهور باشلیغی ولودیمیر زلنسکینینگ ایتیشیچه، اوشبو مملکت، روسیه و امریکا رسمیلری، بیرینچی مرته اوچ تامانلمه خوفسیزلیک مذاکرهلرینی اوتکزهدیلر.
اونینگ کوپهیتیریشیچه، اوکراین، روسیه و امریکا مذاکرهلری بوگون (۲۳-جنوری/ ۳-دلو، جمعه)، و ایرته بیرلشگن عرب امیرلیگی پایتختی ابوظبی ده اوتکزیلهدی.
زلنسکیگه کوره، اوکراین اوچون خوفسیزلیک کفالتلریگه عاید شرایط یکونلنیب و اوروشدن کیینگی اقتصادی تیکلنیش بوییچه کیلیشوو هم تیارلنگن؛ بو ایسه امریکانینگ تکلیفیگه قرشی اوکراین تامانیدن ایلگری سوریلگن اساسی عنصرلردن بیری حسابلنهدی.
باشقه بیر تاماندن، روسیه ابوظبی گه شرکت قیلیشینی تصدیقلب و حدود مسئلهلری حل بولمسدن برقرار تینچلیکنینگ امکانی یوق دیب آگاهلنتیرگن.
بوندن آلدین، امریکا مخصوص نمایندهسی استیف ویتکاف، روسیه و اوکرایننینگ اوزون مدتلی مذاکرهلریده کوپینچه یوتوقنینگ قولگه کیلگنینی بیان قیلگن.
روسیهنینگ اوکراین گه هجوملری دوام قیلیب و ینگیلیکده، روسیهنینگ اوکراین پایتختی کییف گه اویوشتیرگن پهپاد و راکته هجوملری طفیلی بو شهرده برق و سوودن فایدهلنیش امکانیتی کیسیلگنی بیرحالده، اوچ تامانلمه اوشبو مذاکرهلر اوتکزیلهدی.
