اسلام امیرلیگی صناعت و سوداگرلیک وزیرلیگی مسئوللری‌نینگ ایتیشلریچه، جاری قویاش ییل‌نینگ باش سکیز آیی‌ده، افغانستان و روسیه ۱۷۴ میلیون دالر ارزشی‌گه توار آلیش-بیریش قیلگن.
اوشبو وزیرلیک سوزلاوچیسی آخوندزاده عبدالسلام جواد‌نینگ ایتیشیچه، اوشبو مقداردن افغانستان یالغیز ایکّی میلیون دالر روسیه گه توار صادر قیلگن. اونگه کوره، مه‌ییز، قیمت‌بها تاشلر، قوروق انجیر و پیاز افغانستان‌نینگ روسیه‌گه صادراتی توارلری و بوغدای، طبیعی گاز و تورلی‌خیل نفت هم افغانستان گه وارد قیلینگن اینگ اونملی توارلردن دیر.
جناب جواد‌نینگ کوپه‌یتیریشیچه: «اوشبو مقداردن ۲ میلیون دالری افغانستان صادراتی‌گه تیگیشلی بولیب و ۱۷۲ میلیون دالری ایسه واردات گه اختصاص بیریلگن. افغانستان‌نینگ صادراتی توارلری مه‌ییز، قیمت‌بها تاشلر، قورق انجیر و پیاز دیر و شونینگدیک وارداتی توارلر هم تورلی‌خیل نفت، طبیعی گاز، بوغدای و باشقه بیر قطار توارلردن عبارت دیر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، سرپرست حکومت ایش و اجتماعی ایشلر وزیرلیگی سرپرستی عبدالمنان عمری، اوتگن کون کابل ده روسیه ایلچی‌سی دیمیتری ژیرنوف و بو مملکت‌نینگ سوداگرلیک و اقتصادی مصلتچیسی نیکولای ساژنوف ییتکچیلیگی‌ده‌گی هیئتی بیلن اوچره‌شگنی‌ده، روسیه ده افغانستان‌نینگ ایکینچیلیک محصوللری اوچون مناسب بازار یره‌تیلیشینی ایسته‌گن.
ایش و اجتماعی ایشلر وزیرلیگی سوزلاوچیسی سمیع‌الله ابراهیمی‌نینگ ایتیشیچه، مذکور اوچره‌شووده اوشبو وزیرلیک سرپرستی، شونینگدیک روسیه گه افغانستان‌لیک ایشلاوچیلرنینگ یوباریلیش تکلیفینی بیان قیلگن. «افغانستان اسلام امیرلیگی منطقه و دنیا مملکت‌لری بیلن، متقابل حرمت اساسیده یخشی تعامل ایسته‌گن و بو یانده‌شوو بیلن اقتصادی و تجاری بولیم‌لرده مملکت‌لردن قطاری بیلن سیاسی مناسبت‌لرنی برقرار قیله آلگن و مملکت بویلب خوفسیزلیک‌نی تامین‌لش بیلن ایچکی و تشقی سرمایه یاتقیزووچیلر گه مملکت‌ده سرمایه یاتقیزیلیش زمینه‌سی یره‌تیلگن.»
ایش و اجتماعی ایشلر وزیرلیگی‌گه کوره، بو اوچره‌شووده روسیه فدراسیون ایلچی‌سی، افغانستان ده سرمایه یاتقیزیش اوچون روسیه‌لیک سرمایه یاتقیزووچیلری‌نی تشویق قیلیب و شونینگدیک افغانستان‌لیک سرمایه یاتقیزووچیلر‌‌گه آسایشته‌لیک‌لر هم یره‌تیلیشی ممکن دیگن.
حاضر ایسه روسیه اسلام امیرلیگی بیلن دیپلماتیک یقین مناسبت‌لری بولیب و مسکو‌نینگ تقیق‌لنگن گروه‌لری رویخی‌دن اسلام امیرلیگی آتی‌نی چیقریش اوچون آدیم‌لرنی آلگن.
سیاسی مسئله‌لر بیلرمان‌لریدن قطاری‌نینگ ایتیشلریچه، اسلام امیرلیگی، روسیه بیلن سیاسی یقین‌لنیش‌دن افغانستان اقتصادی وضعیتی یخشی‌لنیشی توغریسیده فایده‌لنه آله‌دی.
بیزلرنینگ فیسبوک صحیفه‌میزگه باش اورینگ!
بو توغریده سیاسی ایش بیلرمان‌لردن سیداکبر سیال‌نینگ ایتیشیچه: «فکرمیزچه هر بیر علاقه‌نینگ فرقلری بولیشی ممکن و باشقه مملکت‌لر گه قره‌گنده روسیه بیلن بو علاقه‌لر یخشی دیر. تجارتی، اقتصادی و سیاسی بولیم‌ده فایده‌لی بولیشی ممکن.»
شونینگدیک سیاسی ایش بیلرمان‌لردن باشقه بیری صادق شینواری‌نینگ ایتیشلریچه: «سیاسی و اقتصادی استراتیژیک علاقه‌لر کوچه‌یشی مقصد افغانستان اسلام امیرلیگی بیلن روسیه مملکتی‌نینگ یقین‌لیگی، ایکی ملمکت‌نینگ اولیتی‌ده قرار تاپگن و شونینگدیک اسلام امیرلیگی‌نی منطقه بویلب مطرح قیله آله‌دی.»
روسیه اوتگن اوچ ییل‌ده، اسلام امیرلیگی بیلن ایکی تامانلمه یخشی علاقه برقرار قیلیب، شونینگدیک خلق‌ارا ییغیلیش‌لرده نیچه مرته اسلام امیرلیگی موقفی‌دن حمایت قیلگن.
