بلخ ولایتی شولگره تومنیده شالی ایکینی بیلن شغللنگن دهقانلرنینگ ایتیشلریچه، اوسکونهلر و زمانهوی ماشینلر یوقلیگی، کیمیاوی کودنینگ یوقاری بهاسی و محصوللر ساتیلیشی اوچون بازار یوقیلیگی سبب، جدی شکلده قیینچیلیک بیلن روپهرهلر.
اولرنینگ کوپهیتیریشلریچه، شالی ایکینی بیلن شغللنگن دهقانلرگه زمانهوی ایکینچیلیک اوسکونهلری ترقهتیلگنی صورتده، کوپینچه حاصل قولگه کیلتیریشلری ممکن.
شولگره تومنیدهگی شالی ایکووچیلردن خانمحمدنینگ ایتیشیچه، ایش اوسکونهلری کملیگی، تولیدلری ساتیلیشی اوچون بازار یوقلیگی و کیمیاوی کود قیمتی یوقاریلیگی سبب، آز حاصل قولگه کیلتیریب و شالی ایکیلیشیگه نسبت قیزیقیشلری کمهیگن. «شالی ایکیش قیین ایش دیر. کیچه و کوندوز شو ایش بیلن شغللنگنمیز. ماشین گه نیازیمیز بار. دولت و خصوصی نهادلردن بیزلرگه ماشین بیریلیشی و بیزلرگه آسایشتهلیک یرهتیلیشینی ایستهیمیز.»
مذکور تومندهگی شالی ایکووچیلردن باشقه بیری غلامسخی، کوپینچه حاصل قولگه کیلتیریش مقصد، اولرگه یاردم بیریلیشینی ایستهب و ایتیشیچه: «ووریش و باشقه بیر قطار بولیملرده بیزلرگه زمانهوی اوسکونهلر ترقهتیلسین، چونکه بیزلر کوپراق حاصل قولگه کیلتیرهیلیک.»
شونینگدیک مذکور دهقانلردن عبدالباقی، بازار یوقلیگیدن تنقیدلب و ایتیشیچه: «کوپ زحمت تارتهمیز، بیراق آخریده قیمتلر کم دیر، شهرده هیچ کیم ساتیب آلووچی ایمس. بیر سیر ۴۰ افغانی بولهدی که حداقل ۱۰۰۰ افغانی گه آلسهلر که فایده قیلهیلیک.»
شوندهی بیرحالده، بلخ ولایتی شولگره تومنی زراعت مدیری محمدالدین بلالنینگ ایتیشیچه، شالی ایکهدیگن دهقانلر قیینچیلیکلری مرکز بیلن جریان گه قوییلیب و بو قیینچیلیک حلی اوچون سعیوحرکت بولماقده.
بلخ ولایتی شولگره تومنی، دهقانلردن کوپ قطارینینگ شالی ایکینی بیلن شغللنگن منطقهلردن دیر. بو تومن یانیده کلدار، شورتیپه و کشنده تومنلریده هم شالی ایکیلیب و بو نیاز تامینلنیشی توغریسیده فعالیت بولهدی.
