ایران و پاکستاندن مجبوری شکلده قیتریلگن بالهلرنینگ تعلیم و تربیهدن فایدهلنه آلمسلیگی، مملکت گه قیتگن عایلهلرنینگ اساسی قیینچیلیکلریدن سنلهدی.
غزنیده ایران و پاکستاندن قیتگن عایلهلردن بیرقطارینینگ ایتیشیچه، افغانستان گه قیتگچ، بالهلری اوقیش نعمتیدن محروم قالگنلر.
سۉنگی کونلرده پاکستاندن قیتگن ۵۰ یاشر سلامخان سلاموطندار بیلن اوتکزگن صحبتیده، ۷ یاشر دن ۱۲ یاشرگچه بولگن اوچ بالهسی پاکستانده اوقیشدن محروم ایدیلر و افغانستان گه قیتگچ ېنه هم محروم قالگنلرینی بیلدیرهدی.
بیزلرنینگ فیسبوک صحیفهمیزگه باش اورینگ!
ینگیلیکده آلتی کیشیلیک عایله بیلن ایراندن قیتگن ذکریا گه کوره، قانونی مدرکلری یوقلیگی طفیلی ایکّی بالهسی ایرانده اوقیشدن محروم ایدیلر و افغانستانده بالهلری مکتب گه قبول قیلینیشی گه امید بیلدیرهدی.
اونگه کوره: «بالهلریم او ییرده درس اوقیمسدی؛ مدرکیمیز یوق ایدی، درس اوقیش گه رخصت بیرمس ایدیلر. اېندی مهاجرلر ریاستیدن بالهلریم مکتب گه قبول قیلینیشی اوچون یاردم بیریشینی اېستهیمیز.»
ایرانده اوقیش بیلن مصروف بولگن بعضی عایلهلر آوارهلر ایچیده بار و افغانستان گه قیتگچ اوقیشدن محروم بولگنلر.
بیزلرنینگ «ایکس» ترماغی ده هم تعقیب قیلینگ!
ایراندن قیتگن فاطمه و نورالله، تیریکچیلیک قیلهیاتگن منطقهدهگی مکتبلرده بالهلری قبول قیلینیشنی اېستهیدیلر.
نیچه کون آلدین عایلهسی بیلن ایراندن مملکت گه قیتگن فاطمه گه کوره: «حاضر مملکت گه قیتیب کیلدیک، کوپ قیینچیلیک بیلن دوچ بولدیک، یگانه تشویشیمیز بالهلریمنینگ درس و تعلیمی دیر. کیلگنیمیزدن انچه اوتکچ هلیگچه مکتب گه قبول قیلینیشمهگن، قیسی صنفدن باشلش و قیسی مکتب گه باریشلرینی بیلمهی من. دولت مکتبلری بو ییردن اوزاق دیر.»
غزنی معارف ریاستی مسئوللری، مملکت گه قیتگنلرنینگ خواطری گه جواب ایتیشلریچه، ایران و پاکستاندن قیتگن بالهلرنینگ دولت مکتبلری و مدرسهلریگه قبول قیلیش دستوری باشلنگن.
غزنی معارف ریاستینینگ نشرات بوییچه مدیری میاگل صدیق گه کوره، اوشبو قویاش ییلده، قۉشنی اولکهلردن غزنی گه قیتگن اونلب اوقووچی اوشبو ولایتنینگ دولت مکتبلریده قبول قیلینگن و بوجریان دوام ایتماقده.
اونینگ ایتیشیچه: «ییل باشلنگنیدن حاضرگچه، مملکت گه قیتگنلردن سیناو آلینگن و قریب ۴۵۰ کیشی مکتبلر گه تانیشتیریلگن و آرهلریده کېکسهلر و بالهلر بار.»
غزنی مهاجرلر و قیتگنلر ریاستینینگ معلوماتی اساسیده، فقط سۉنگی ایکی آی ایچیده، ایران و پاکستاندن اوچ مینگ عایله اوشبو ولایت گه قیتگنلر.
