آوازی امید بیلن توله بولسهده، اونده اوتمیشدهگی جراحتلرنینگ ایزلری سیزیلهدی. رحمت -مستعار آت- پروان مرکزی چاریکار شهری یشاوچیسی بولیب، اوزاق ییللردن بویان بنگیوار مادهلر حکمران بولگن بیر عالمده غرق بولیب یشهگن. کونلردن بیریده، حویلیسیده کیچکینه بالهسی بیلن روپهره بولگنیده، او آتهسیدن قورقیب، قاچیب کیتگن. شو پیت رحمت اوزیگه ایندی مینده قولدن بیریش اوچون هیچ نرسه قالمهگن دیگن.
اوشه کوندن کیین قیته بالهلریگه یخشی بیر آته و خاتینی اوچون یخشی تورموش اورتاق بولیب و قیته اوتمیشدهگی ساده حیاتیگه قیتیشگه قرار آلگن. اوتگن کونلرنی قصه قیلیش چاغیده، تیلی توتیلهدی، گویا اوتمیشدهگی بیر نرسه اونی قینهیدی. «۳۰ ییلدن بیری سرگردان و پریشان ایدیم. پودر، تریاک و چرس قوللنهر ایدیم. هیچ کیم مینگه توجه قیلمس ایدی، چونکه بو مرض مینی تنیمگه ایدی. اوشبو یقینداشلردن برچهسی میندن قاچهر ایدی و هر نرسه دیهر ایدی. کیچهلر سرکلرده اوخلهر ایدیم.»
بیزلرنینگ «ایکس» ترماغی ده هم تعقیب قیلینگ!
رحمت، اعتیادنی ترک قیلیش قیین مرحلهسیگه کیریش بیلن، آیلرچه بنگیوار مادهلرنی ترک قیلیش مخصوص کسلخانهسیده اوزی، وسوسهلری، خاطرهلری، باشقهلرنینگ قضاوتلری طفیلی خجالتلر بیلن مبارزه قیلگن. لیکن، بولردن برچهسینی کیتمه-کیت اوتکزیب، چاریکار شهرینینگ کوچهلریده اوتکزیلگن کیچهلردن سونگ، ینه اویینینگ ملایم توشهگیگه راحت بیر شکلده اولتیریش امکانیتیگه قیتگن.
بوگون، او عایله خرهجتی نی تامین قیلووچیسی دیر. ایرتنگلر برچهدن آلدین اویقودن اویانیب و ایشی تامان یولگه توشهدی و کیچهلر ایسه آرام بیر فکر بیلن اویگه قیتهدی. اوندن قاچهدیگن فرزندلری، حاضر فخر بیلن آتهسینی یانیگه توختهیدی و ییللردن بویان حیات یوکینی یالغیزلیک بیلن تاشیگن خاتینی، ایندی قیتهدن سوینچیق تاپگن.
او، حاضر چاریکار شهریدهگی آزیق-آوقت ساتیلهدیگن دکانلردن بیریده ایش بیلن شغللنگن. «اوشبو دکانده بالهم بیلن ایشلهیمن. تورت قیز و اوچ اوغلیم بار. بنگیوار مادهلرگه چلینگن کیشیلرگه ایستهگیم شو که، کیلهجکلرینی نی بوزمهسینلر. اوزلرینی دوالهسینلر و جمعیتده ساغلام بیر کیشی صفتیده حیات کیچیرسینلر.»
قولدن بیریلگن ایشانچ، تیزلیککه قولگه کیلهدیگن نرسه ایمس؛ لیکن رحمت بو کوپریک نی بیرته-بیرته قیتهدن توزهتگن. حاضر، عایلهلری، قوشنیلری، یقینداشلری و ایسکی دوستلری، اورتهلریدهگی دل قالیشلیک نی اورتهدن کیتکزیب و قیته باریب-کیلیشگه باشلهگنلر.
بیزلرنینگ فیسبوک صحیفهمیزگه باش اورینگ!
رحمتنینگ ایشلهیدیگن دکان ایگهسی عتیق، اونینگ حقیده ایتیشیچه: «بو کیشی اعتیادنی ترک قیلگن ایدی و یخشی بیر کیشی ایدی، انه شوو سبب ایشگه آلدیم. مین ایکی کون هم بعضا دکان گه بولمهیمن و سودا ساتیب آلیش اوچون کابل کیتهمن و اولر دکان گه اولتیرهدیلر. سرمایه یاتقیزووچیلردن بو کبی کیشیلر بیلن همکارلیک قیلیشلرینینی ایستهیمن که اولرنینگ اعتیادنی ترک قیلیشلریگه سبب بولسینلر.»
حیاتنینگ ملایم و امیدبخش موسیقهسی، بو ایرکک اوچون ایندی سحطی نگاه و بنگیوار مادهدن آلینگن بیر لحظهلیک لذتدن انچه اوستون. او ایشی و عایلهسی تامان توجهسینی قرهتیب و قالگن عمرینی تینچلیک بیلن اولر یانیده اوتکزیشنی و محبت آرقهلی قولگه کیلتیرگن خاطرجمعلیکنی یورهگیده اسرهب قالیش ایستهیدی.
