افغانستان فوتسال ملی تیرمه جماعه‌سی بوگون (۲۵-سنبله، یکشنبه) ۲۰۲۴-ییل خلق‌ارا فوتسال کپی رقابت‌لریده آنگولا بیلن بیلله‌شه‌دی.
افغانستان فوتسال ملی تیرمه جماعه‌سی بیرینچی مراتبه خلق‌ارا فوتسال کپی رقابت‌لریده یول تاپیشی بیلن، پایتخت کابل یشاوچیلریدن بیرقطاری سلام‌وطندار بیلن اۉتکزگن صحبت‌لریده، مملکت ملی پوش‌لری ۲۰۲۴-ییل خلق‌ارا فوتسال کپی رقابت‌لریده قهرمان بولیشی گه امید بیلدیرگنلر.
کابل‌لیک عمران نینگ ایتیشیچه: «خلق‌ارا رقابت‌لر باشلنمسدن آلدین فوتسال جماعه‌سی یخشی نتیجه و یوتوقلر اېگه بولگن اېدی؛ شونی اوچون اهالی نینگ امیدوارلیگی کوپه‌یگن آنگولا گه غلبه قازانیب و خلق‌ارا فوتسال کپی رقابت‌لریده قهرمان بولیش گه امیدوارمیز.»
بیزلرنینگ فیسبوک صحیفه‌میزگه باش اورینگ!
کابل‌لیک‌لردن باشقه بیری علی گه کوره: «افغانستان ییگیت‌لری فکر و ذهنی نقطه-نظریدن یخشی تیار و سابق اۉتکزگن مسابقه‌لری گه بناً بو بیلله‌شوولرده هم غلبه قازانیش گه امیدوارمیز.»
افغانستان فوتبال فدراسیونی سۉزلاوچوتسالیسی مصطفا هاشمی نینگ ایتیشیچه، بو فدراسیون خلق‌ارا فوتسال کپی رقابت‌لری باشله‌نیشیدن آلدین، تورلی مملکت‌لرده مشق اۉتکزیب، افغانستان فوتسال تیرمه جماعه‌سینی روحی و جسمانی نقطه-نظریدن بو رقابت‌لر اوچون بوتونلی تیار قیلگنلر.
اونینگ کوپه‌یتیریشیچه: «مملکت فوتسال ملی پوش‌لری بو مسابقه‌لر اوچون بوتونلی تیارگرلیک کورگن؛ قریب اوچ آی ایران نینگ مشهد شهریده تمرین قیلگنلر. مراکش فوتسال تیرمه جماعه‌سی برابریده یخشی اوینه‌دیلر و اۉزبېکستانده خلق‌ارا فوتسال کپی رقابت‌لری باشله‌نیشیدن بیر هفته آلدین عملی و نظری جلسه‌لر اۉتکزدیک. روحی و جسمانی نقطه-نظریدن یخشی تیارگرلیک کوریشگن.»
بیزلرنینگ «ایکس» ترماغی ده هم تعقیب قیلینگ!
خلق‌ارا فوتسال کپی ۱۰-دور رقابت‌لری ۲۴-سنبله، شنبه کونی توشدن سۉنگ افغانستان وقتی بیلن ساعت ۲:۰۰ ده رسمی طرزده باشلندی و بو رقابت‌لر ۱۵ میزان گه قدر دوام تاپیشی کوتیله‌دی. ۲۰۲۴-ییل خلق‌ارا فوتسال کپی رقابت‌لریده دنیا بویلب ۲۴ جماعه یول تاپگن. بو رقابت‌لر نینگ اوچینچی گروهیده افغانستان؛ آنگولا، ارجنتاین، امریکا و اوکراین فوتسال ملی تیرمه جماعه‌لری هم‌گروه دیر.