غزنی ولایتی قرهباغ تومنیده، «لیسهی ابوریحان البیرونی» آتیده بیر مکتب قوریلیب و فایدهلنیشگه تاپشیریلگن.
غزنی معارف ریاستی نشرات مدیری میاگل صدیقنینگ ایتیشیچه، ایکی قوتلی ابوریحان البیرونی مکتبی بو ولایت قرهباغ تومنینینگ «شاکی نوکه» قیشلاغیده، قوریلگن.
جناب صدیقنینگ کوپهیتیریشیچه، اوشبو مکتب ۱۵ صنف، کتابخانه، لابراتوار و باشقه بیر قطار امکانیتگه ایگه دیر. اونگه کوره، مذکور مکتبنینگ قوریلیشی بیلن قریب بیر مینگ اوقووچیگه ستندرد تعلیم زمینهسی یرهتیلگن.
ابوریحان البیرونی مکتبی غزنی یشاوچیلری آرقهلی ۷ میلیون ۶۰۰ مینگ افغانی عوضیگه قوریلگن.
مکتب، درسلیک و مسلکی اوقیتووچیلر کملیگی، افغانستاننینگ تعلیمی توزیمی برابریدهگی اینگ مهم قیینچیلیکلردن دییلهدی که بو قیینچیلیک، اوقووچیلرنینگ ستندرد تعلیملردن فادیهلنیشینی چیکلنتیرهدی.
