سونگی کون‌لرده بامیان و دایکندی ده قار یاغیش‌دن کیین، مذکور ایکی ولایت یشاوچیلریدن قطاری قشاقلیک و کم‌بغل‌لیک‌دن شکایت قیلیب و ایتیش‌لریچه، یانغین ماده بیلن ییگولیک ماده آلیش گه کوچلری ییتیشمه‌یدی.
بامیان و دایکندی ده قشاق عایله‌لر یاردم بیرووچی نهاد‌لر تامانیدن یاردم قول گه کیلتیرمه‌یشلری و یاردم‌لر نی درست بیر شکلده ترقه‌لمه‌یشی‌دن شکایت قیله‌دیلر.
بامیان یشاوچیسی شکیلا، آلتی کیشی‌لیک بیر عایله نینگ سرپرستی دیر. اونینگ ایتیشیچه، او و باله‌لری ساووق هوا‌ده حیات کیچیریش‌لری سبب، کسل بولگنلر.
بیزلرنینگ توییترده هم تعقیب قیلینگ!
بامیان یشاوچیلریدن باشقه بیری طیبه، ایکی کیچیک باله نینگ آنه‌سی دیر. اونینگ ایتیشیچه، اویی نینگ ایسیتیش اوچون یانغین ماده فراهم قیلیش و شونینگدیک باله‌لری گه قوروق سوت آلیش گه کوچی ییتیشمه‌یدی.
شونده‌ی بیرحالده، دایکندی و مملکت نینگ بیر قطار ساووق ولایت‌‌لر یشاوچیلریدن قطاری سونگی کون‌لرده هوا نینگ ساووق‌لیگی و نادار‌لیک‌دن شکایت قیلیب و ایتیش‌لریچه، ییگولیک ماده‌لر نی تامین‌لش و اوی‌لری نی ایسیتیش گه کوچلری یوق.
دایکندی ولایتی خدیر تومنی یشاوچیسی فاطمه نینگ ایتیشیچه: «اوزیم بیر عیال‌مین؛ یانغین ماده‌م یوق، ییمک یوق و کییم یوق. شونینگدیک بیزلر گه یاردم بیریش اوچون هم هیچ کیم هم یوق.»
شونینگدیک دایکندی یشاوچیلریدن باشقه بیری رستم اوشبو ولایت مرکزی نیلی شهری‌ده قول اوستیده سودا ساتیش بیلن نیازلری نی تامین قیله‌دی. رستم نینگ ایتیشیچه، اویی نی ایسیتیش خصوصیده توانی ییتیشمه‌یشی سبب، باله‌لری کسل بولگن دیر.
عین حالده، بامیان و دایکندی مسئوللری نینگ ایتیش‌لریچه، یاردم بیرووچی نهاد‌لر همکار‌لیگی‌ده اهالی نیازلری نی حل قیلیش اوچون سعی و حرکت قیله‌دیلر.
بیزلرنینگ فیسبوک صحیفه‌میزگه باش اورینگ!
بامیان معلومات و مدنیت ریاست رئیسی سیف‌الرحمان نینگ سلام‌وطندار گه ایتیشیچه: «حقیقا اهالی یاردم گه نیازی بار؛ بیراق بامیان محلی اداره‌لری همکار موسسه‌لر و یاردم بیرووچی اداره‌لر آرقه‌لی اهالی قیین‌چیلیگی نی حل قیلیش اوچون سعی و حرکت قیلگن‌لر.»
شونینگدیک او، بامیان ده یاردم‌لر ترقه‌لیشی نینگ عادلانه بولمه‌گنی نی رد قیلگن.
باشقه بیر تاماندن، دایکندی ولایت سرپرستی محمد‌نور خلیل نینگ سلام‌وطندار گه ایتیشیچه، محلی اداره‌لر و موسسه‌لر هماهنگ‌لیگی‌ده، اهالی قیین‌چیلیگی نینگ حل بولیشی ممکن.
عین حالده، اوتگن نیچه کون جریانیده افغانستان نینگ بر قطاری بولیمی‌ده هوا درجه‌سی منفی ۳۲ درجه سانتی گراد گه ییتیشگن که، ولایت‌لردن قطاری‌ده انسان‌لر نینگ اولیمی و حیوان‌لر نینگ تلف بولیشی گه سبب بولگن.
