جوزجان ولایتی آقچه تومنی یشاوچیلریدن قطاری نینگ سلام‌وطندار گه ایتیش‌لریچه، ایچیملیک پاک سوو یوقلیگی سبب، اوشبو تومن‌ده باله‌لر آره‌سیده تورلی‌خیل کسل‌لیک‌لر ترقه‌لگن.
آقچه تومنی یشاوچیسی حمید‌الله مرادی نینگ ایتیشیچه، مذکور تومن‌ده ایچیملیک پاک سوو یوقلیگی، برچه یشاوچیلر ساغلیگی نی تهدید قیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «پاک ایچیملیک سوو بولمه‌گنی پیتده، ساغلیق قیین‌چیلیک‌لر بیلن روپه‌ره بوله‌میز. آقچه تومنی نینگ اهالی‌سیدن ۸۰ فایزی ایچیملیک پاک سوو گه قول تاپه آلمه‌گن و اوشبو قیین‌چیلیک نینگ حل بولیشی کیره‌ک.»
باشقه بیر تامان‌دن، جوزجان مدنی فعال‌لری اوشبو ولایت‌ده اساسی پروژه‌لر یولگه قوییلیشی خصوصیده تاکید قیلگنلر.
جوزجان مدنی فعالی زین‌الله فیصل نینگ ایتیشیچه، مذکور ولایت آقچه تومنی‌ده ایچیملیک پاک سوو خصوصیده‌گی قیین‌چیلیک، جدی بیر خواطر گه اوزگرگن.
جوزجان مدنی فعالی نینگ کوپه‌یتیریشیچه: «بو توغریده خواطرلری‌میز جدی، چونکه کون اوتیشی بیلن پاک سوو خصوصیده قیین‌چیلیک‌لر کوپه‌یدی و سوو قیین‌چیلیگی سبب، باله‌لر آره‌سیده کسل‌لیک‌لر هم کوپه‌یگن.»
شونده‌ی بیرحالده، جوزجان دریایی حوزه ریاستی نینگ ییر آستی سوولر مسئولی صدرالدین جمالی نینگ سلام‌وطندار گه ایتیشیچه، جوزجان ده ییر آستی سوولر نینگ اسراف‌لنیشی، کون اوتیشی بیلن اوشبو ولایت‌ده سوو میزانی کمه‌یب و ایچیملیک سوو گه قول تاپه آلمه‌یش قیین‌چیلیگی نینگ جدی بولیشی گه سبب بولگن.
اونگه کوره، آقچه تومنی یانیده، شونینگدیک جوزجان ولایتی نینگ باشقه تومن‌لر یشاوچیلری هم، ایچیملیک پاک سوو کملیگی قیین‌چیلیگی بیلن روپه‌ره‌لر.
بیزلرنینگ توییترده هم تعقیب قیلینگ!
جناب جمالی نینگ کوپه‌یتیریشیچه: «اوشبو وضعیت نینگ دوام تاپیشی بیلن، مذکور ولایت‌ده کیله‌سی اون ییل‌گچه هیچ کیم حیات کیچیرمه‌یشی ممکن. سوو مکمل شکلده قوریگن. ییر آستی سوولر نینگ قوریگنی پیتده، حیات کیچیریش ممکن بولمه‌یدی.»
ییر آستی سوولر نینگ کوپینچه شکلده قوللنیشی، سوو مصرفی‌دن نظارت بولمه‌یشی و اوتگن اوچ ییل جریانیده کیت‌مه-کیت قوروق‌چیلیک، مملکت نینگ قطار ولایت‌لریده یشاوچیلر نینگ ایچیملیک سوو کملیگی بیلن روپه‌ره بولیش‌لری گه سبب بولگن.
