بلخ ولایتی مرکزی مزارشریف شهری بلدیه مسئوللری، شاعر و متفکر امیر علیشیرنوایی هیکلینینگ قیته تیکلش ایشی، ینگی قیافه و بلخ یشاوچیلریدن بیرقطارینینگ مالیهوی یاردمی بیلن باشلنگنیدن خبر بیرهدیلر.
مزارشریف شهری بلدیه باشلغی عبدالرحمان همت، بوگون (۳۰-اسد، پنجشنبه)، اوشبو لایحه ایشی باشلنیشی مناسبتی بیلن اوتکزیلگن مراسمده، امیر علیشیر نوایی یادگارلیگینینگ قیته قوریش ایشی مزارشریف شهری اوچینچی ناحیهسیده عملگه آشیریلماقده. اونگه کوره، لایحه «کتیبه، یادگارلیک منار، یشیل حدود و پنجرهلر»نی اۉز ایچیگه آلهدی و تخمینن بیر یریم میلیون افغانی خرهجت کوتاریب و ایشی بیر آی ایچیده توگهشی ممکن.
بیزلرنینگ فیسبوک صحیفهمیزگه باش اورینگ!
اونگه کوره، بو لایحه اولگیدن کوره کوپ اوزگریشلر بیلن عملگه آشیریلهدی. «اسلام امیرلیگی دایما امیر علیشیر نوایی کبی شخصلرنی اعزازلش و اولرنینگ خاطرهسینی ابدیلشتیریش اوچون حرکت قیلیب کیلگن. ایشانچ بیرهمیز که بو انشاآت آلدینگیدن انچه چیرایلیراق قوریلهدی.»
مزارشریف شهریده اۉزبېکستان باش قنسولی معفر فتاحیوف، اوشبو مراسمده ایتیشیچه، امیر علیشیر نوایی، تیموریلر دورینینگ شاعر، متفکر و سیاستچیسی بولگن و نوایی اوچون منارنینگ قوریلیشی یاش اولادلرنینگ بو شاعر شخصیتی بیلن یقیندن تانیشیش اوچون بیر امکانیت دیر.
مزارشریف شهریده ییتکوک شاعر و یازووچی امیرعلیشیر نوایینینگ هیکلی و بیوگرافیسی بلخ محلی مسئوللری تامانیدن بوزیب تشلنیشی کېسکین مناسبتلر گه سبب بولگن.
بیزلرنینگ «ایکس» ترماغی ده هم تعقیب قیلینگ!
سابق حکومت سیاسی سیمالری، عیال مدنی فعاللری، مدنیت سیور کیشیلر، شاعر و یازوچیلر، اجتماعی ترماقلرده بلخ محلی مسئوللری تامانیدن امیر علیشیر نوایی هیکلی یوق قیلینیشینی قارهلب و بوندهی حرکتلر فقط یشاوچیلرنینگ اسلام امیرلیگیدن نفرتلنیشیگه آلیب کیلیشینی ایتگنلر.
شو بیلن بیرگه، افغانستان تورکتبارلر عیاللر حرکتی هم، مزارشریف شهریده تورکلرنینگ تانیقلی شاعری و یازووچیسی امیر علیشیر نوایینینگ هیکلی یوق قیلینیشینی قارهلب و اونی افغانستان تورکتبارلرینینگ اوزلیگی و مدنیتی اوچون کتته ضربه دیب اتهگن.
امیر علیشیر نوایی سلطان حسین بایقرا سراییدهگی نفوذلی وزیر و سیاستچی ۱۴۴۱-ییل، ۹-فبروریده (۸۴۴ هجری) هراتده توغیلگن و ۱۵۰۱-ییل، ۳-جنوریده (۹۰۶ هجری) هرات شهریده وفات ایتگن. نوایی ۹-هجری عصرنینگ اېنگ ییریک ادبی سیمالریدن بولیب، فارس و چغتایی تورکی تیللریده شعر یازگنی اوچون «ذواللسانین» شاعر نامی بیلن مشهور بولگن.
