اسلام امیرلیگی طبیعی آفتلرنی باشقریش ملی ادارهسینینگ ایتیشیچه، اوتگن ۲۴ ساعت ایچیده یوز بیرگن یاغینگرچیلیکلر و سوو تاشقینلر نتیجهسیده، بیش کیشی اولیب و آلتی کیشی یرهلنگن.
مذکور اداره سوزلاوچیسی همده نشرات و اطلاعات باشلیغی محمدیوسف حمادنینگ بوگون (۶-حمل، پنجشنبه)، ایتیشیچه، اوشبو کیشیلر پروان، زابل، قندهار، پکتیا و هلمند ده یوز بیرگن سوو تاشقینلر و یاغینگرچیلیکلر نتیجهسیده، اولیب و یرهلنگنلر.
جناب حمادنینگ کوپهیتیریشیچه، بیش ولایتده یوز بیرگن یاغینگرچیلیکلر و سوو تاشقینلرده، ۱۶ یشش اوی بوتونلی و ۸۷ یشش اوی ایسه، قسمی شکلده بوزیلگن.
طبیعی آفتلرنی باشقریش ملی ادارهسینینگ معلوماتی اساسیده، اوتگن بیر کیچهوکوندوزده یوز بیرگن یاغینگرچیلیکلر و سوو تاشقینلر، ۱۸۸ عایلهنی جبرلنتیرگن.
