طبیعی آفتلرنی باشقریش ملی ادارهسیده مسئوللرنینگ ایتیشلریچه، اوتگن تورت کون جریانیده ولایتلردن قطاریده یوز بیرگن یاغینگرچیلیک و سوو تاشقینلر نتیجهسیده، ۵ کیشی قربان بولیب و ۸ کیشی یرهلنگن.
مذکور اداره سوزلاوچیسی محمدیوسف حمادنینگ سلاموطندار گه ایتیشیچه، اوشبو سوو تاشقینلر جانی تلفات یانیده، ۲ مینگ جریب ایکینچیلیک ییرنینگ اورتهدن کیتگنی کبی کوپینچه مالی زیانلر گه هم سبب بولگن.
جناب حمادگه کوره: «اوتگن کونلر، کابل، پروان، لوگر، میدانوردک، خوست، پکتیا، پکتیکا، زابل، ننگرهار و لغمان ده سوو تاشقینی یوز بیردی که نتیجهده، بیش کیشی اولیب و سکیز کیشی یرهلندی. یشش بیر اوی بوتونلی اورتهدن کیتیب و باشقه ۱۶۲ اوی هم قسما بوزیلگن. اویلرگه علاوه، ۱۱ ته مسجد، ۱۷۱ ته قودوق، کاریزلر و سوو منبعلری، ۲۷ ته سوو ییتکزیش ترماق، توغانلر و کاناللر همده ۴۱ کیلومتر سرکهم ویران بولگن.»
بیزلرنینگ فیسبوک صحیفهمیزگه باش اورینگ!
طبیعی آفتلرنی باشقریش ملی ادارهسی سوزلاوچیسینینگ کوپهیتیریشیچه، اوشبو سوو تاشقینلرده ۱۰۰ باش چاروه تلف بولیب، قریب ایکی مینگ جریب ایکینچیلیک ییر و باغ هم اورتهدن کیتگن.
شوندهی بیرحالده، سونگی کونلرده سوو تاشقینلردن زیان کورگنلر، سرپرست حکومت و یاردم بیرووچی نهادلردن، اویلری و ایکینچیلیک ییرلرینینگ قیته قوریلیشی اوچون همکارلیک ایستهگنلر.
پکتیا یشاوچیسی نجیب، سوو تاشقینلر نتیجهسیده ییتیشگن زیانلرنی بیان قیلیب و بو توغریده یاردم بیریلیشینی ایستهگن. «ییریمیز ۳ یریم-۴ جریب ایدی؛ بیر قطار ییرلرده لوبیا ایکیلگن ایدی و بیر قطاریده ایسه سویابین. شونینگدیک ییرلردن قطاریده ایسه باشقه بیر قطار نرسه ایکیلگن ایدی که برچهسی اورتهدن کیتیب و کردلریمیز هم زیان کورگن. همه جاینی تاش و جغل آلگن. مذکور ییرلرنی قیته تازهلش اوچون دولت و یاردم بیرووچی نهادلرنینگ یاردمیگه نیازیمیز بار.»
شونینگدیک خوست یشاوچیسی یعقوبنینگ ایتیشیچه: «اوتگن کون یاغینگرچیلیک نتیجهسیده، سوو تاشقینی یوز بیردی. ییرلریمیزنی خراب قیلیب و محصوللریمیزنی بوتونلی اورتهدن کیتگزدی. دولت و موسسهلردن بو توغریده همکارلیک قیلیشلرینی ایستهیمیز.»
سونگی سوو تاشقینلر طفیلی زیان کورگنلردن باشقه بیری، میدانوردک ولایتی نرخ تومنی یشاوچیسی بولمیش شکرالله، زیان کورگنلرگه بولگن یاردملرنی ییترلی بیلمهیدی. «میدانوردکنینگ بیر قطار تومنلریده یوز بیرگن سوو تاشقینلرده اهالیگه جای و مالی زیان ییتیشگن. نیاز بولگنی کبی یاردم بیریلمهگن و حاضرگچه هم یاردم گه نیاز بار. بیر قطار کیشینینگ ییلری بوزیلگن و حاصللری اورتهدن کیتگن و بیر قطاری کیشینینگ اوی وسیلهلرینی سوو تاشقینی آلیب کیتگن.»
لیکن طبیعی آفتلرنی باشقریش ملی ادارهسی سوزلاوچیسی محمدیوسف حماد، مذکور سوو تاشقینلر نتیجهسیده زیان کورگن کیشیلرگه، سروی بولیشدن کیین یاردم بیرووچی نهادلر همکارلیگی بیلن سوو تاشقینلردن زیان کورگنلرگه یاردم بیریلیشی توغریسیده سوز بیرگن. «زیان کورگنلرنینگ نیازلرینی حل قیلیش و اولر گه یاردم بیریش اوچون، سعیوحرکت قیلهمیز. بو اداره قولیده بار امکانیت و یاردم بیرووچی نهادلر همکارلیگیده، زیان کورگنلر بیلن همکارلیک قیلیش توغریسیده سوز بیرهدی. سروینینگ یکونلنیشیدن کیین زیان کورگن کیشیلرگه نیازلری بولگن یاردملرنینگ یرهتیشگه پلانیمیز بار.»
بیزلرنینگ «ایکس» ترماغی ده هم تعقیب قیلینگ!
سونگی ییللرده افغانستان نیچه مرته کوچلی سوو تاشقینلرگه شاهد بولیب و جانی تلفات یانیده، اویلر، ایکینچیلیک ییرلر و آستقورمهلرگه کوپنیچه مالی زیان ییتیشتیریب و مینگلرچه کیشینینگ بیجا بولیشیگه سبب بولگن.
بوندن آلدین بیرلشگن ملتلر تشکیلاتینینگ یشش محیط دستوری، خلقارا ماسلشوو معیاری اسمی آستیدهگی سرویده، افغانستاننینگ اقلیم اوزگریشلریدن زیان کورگن ۱۲ مملکتدن بیری بولگنی؛ بیراق اوشبو واقعهلر بیلن قرشی کورهش اوچون ییترلی امکانیتی یوقلیگینی بیان قیلگن ایدی.
ایتیش کیرهک که، سرپرست حکومت ترانسپورت و هوا یوللری وزیرلیگینینگ هواشناسلیک ریاستی بیر بیانیه ترقهتیب، بوگون نورستان، کنر، ننگرهار، لغمان، لوگر، پکتیا، خوست و پکتیکا ولایتلریده کوچلی یاغینگرچیلیک و سوو تاشقینی یوز بیریشیدن آگاهلنتیرگن.
