ترانسپورت و هوا یوللری وزیرلیگینینگ هواشناسلیک ریاستی ایرته (۱۷ حمل، دوشنبه)، نورستان ولایتیدن باشقه مملکت ۳۳ ولایتیده احتمالی کوچلی یامغیر یاغیب و چقماق همده بوران یوز بیریشینی بیلدیردی.
اوشبو ریاست، بوگون ایکس صحیفهسیده بیر بیانیه ترقهتیب سالنگلر شامل بدخشان، تخار، قندوز، سمنگان، بلخ، جوزجان، سرپل، فاریاب، بغلان، کابل، بادغیس، هرات، فراه، غور، نیمروز، هلمند، قندهار، ارزگان، زابل، دایکندی، بامیان، غزنی، میدانوردک، لوگر، پکتیکا، پکتیا، خوست، ننگرهار، کنر، لغمان، کاپیسا، پروان و پنجشیر ولایتلریده احتمالی کوچلی یامغیر یاغیشی پیشبینلیک بولگنی حقیده آگاهلنتیردی.
شونینگدیک مذکور ریاست، اوشبو ولایتلرنینگ تورلی منطقهلریده یامغیر یاغیش میزانینی ۱۰ دن ۵۰ ملی متر پیشبینلیک قیلگن.
شونینگدیک هواشناسلیک ریاستی، سالنگلر شامل مملکت غربی، جنوبی و شمالی ولایتلریده احتمالی بوران یوز بیریب و تیزلیگی بیر ساعت ایچیده ۵۰ دن ۱۰۰ کیلومتر پیشبینلیک بولگنینی ایتگن.
هواشناسلیک ریاستی، مملکتنینگ ساووق حدودلریده احتمالی قار یاغیشی ممکن دیگن.
بوندن آلدین اسلام امیرلیگی سوزلاوچیسی ذبیحالله مجاهد، مملکت بعضی ولایتلریده سونگی یاغینگرچیلیک و سوو تاشقینلری عاقبتیده ۶۱ کیشی اولیب و ۱۱۶ کیشی یرهلنگنینی ایتگن ایدی.
