قندوز ده‌گی فارم‌دارلردن بیرقطاری، اوشبو ولایتده بلیق یېتیشتیریش صناعتی سېزیلرلی درجه ده کمرنگ بولیب و اۉتگن ییل‌لر گه نسبتن سوداسی کمه‌یگنیدن نالیماقده‌لر.
فارم‌دارلردن عزیز‌الله نینگ سلام‌وطندار گه ایتیشیچه: «بو ییرده‌گی فارم ده طیاره، زغاره بلیق و مار ماهی بار، بولر شو فارم ده یېتیشتیریله‌دی. بو ییرده ۵ دن ۱۰ تور بلیق بار، بیر کیلوسینی ۱۵۰ افغانی‌دن بیر مینگ ۲۰۰ افغانی‌گچه ساته‌میز.»
شو بیلن بیرگه، مذکور ولایتده بلیق ساتووچیلر، اوشبو ولایتده بلیق سوداسی کمرنگ بولیشیدن نالیب و حکومت‌دن بوتوغریده اولر بیلن همکارلیک قیلیشینی اېسته‌یدیلر.
بیزلرنینگ فیسبوک صحیفه‌میزگه باش اورینگ!
قندوز ده بلیق ساتووچیلردن وزیرخان نینگ ایتیشیچه: «دولت‌دن بلیق سوداسی و وطنی بلیق‌نی کوپراق یېتیشتیریش اوچون اۉروغ و باشقه کېره‌کلی نرسه یاردم بیریشینی اېسته‌یمیز.»
باشقه تاماندن ایکینچیلیک ایش بیلرمان محمد گه کوره، مذکور ولایتده بلیق یېتیشتیریش کمرنگ بولیش سببینی، تشقی مملکت‌لردن بلیق وارد اېتیلیشی عنوان قیله‌دی.
اونینگ کوپه‌یتیریشیچه: «ایکینچیلیک وزیرلیگی بلیق یېتیشتیروچیلر گه فنی و تخنیکی مصلحت بیریب و همکارلیک قیلیش‌لری کېره‌ک، بلیق آوقتی اوچون اولرنی خارجی دفترلر گه تانیشتیرسین‌لر. اولر گه پرازیت و ویروس گه ضد دارو-دوا بیریب و بلیق یېتیشتیریش اوسکونه یاردم بیریشی کېره‌ک.»
بیزلرنینگ «ایکس» ترماغی ده هم تعقیب قیلینگ!
عین‌حالده، قندوز ایکینچیلیک ریاستی مسئوللری، اۉتگن ییل‌لر گه نسبتن اوشبو ولایتده بلیق سوداسی و یېتیشتیریلیشی سېزیلرلی درجه ده یخشی بولگنیدن ایشانچ بیره‌دیلر.
قندوز ایکینچیلیک ریاستی نینگ چاروه‌چیلیک ایشلری بوییچه آمری احمد گه کوره: «قندوز ایکینچیلیک ریاستی اوشبو ولایتده بلیق یېتیشتیریش ایشلری بیلن مصروف بولگن فارم‌دارلر نی «JI» موسسه‌سیگه تانیشتیرگن و اولر گه قییش کییم-کیچک‌لری و بلیق‌لر اوچون ۷۷۰ کیلو آوقت وباشقه نرسه‌لر یاردم کورسه‌تگن.»
ایتیش کېره‌ک، قندوز نینگ بلیق یېتیشتیریش اوچون مناسب آب‌وهواسی بارلیگی گه قوشیمچه بو ولایتده سۉنگی ییل‌لرده بلیق بازاری یخشی اېدی. قندوز ایکینیچلیک ریاستی نینگ معلوماتی اساسیده، بو ولایتده ۴۰۰ بلیق فارمی بار و یوزلب کیشی بو صناعت بیلن مصروف دیر.
