بامیان ده محلی مسئوللر‌نینگ ایتیشلریچه، کابل-بامیان، دایکندی و غور و اوشبو ولایت‌نینگ عمومی یوللریدن کوپینچه‌سی قار یاغیش و بوران طفیلی ترافیک یوزیگه یاپیلگن. مذکور یوللر بامیان بیلن قوشنی ولایت‌لر و اونینگ ییتی تومنی آره‌سیده‌گی اوتیب-قیتیش یوللریدن عبارت دیر.
بیزلرنینگ «ایکس» ترماغی ده هم تعقیب قیلینگ!
بامیان حاکمی سوزلاوچیسی عبدالصبور فرزان سیغانی‌نینگ ایتیشیچه، بامیان‌نی میدان‌‌وردک و کابل بیلن باغله‌یدیگن «حاجی‌گک» کوتلی، دایکندی نی بامیان و کیین کابل گه باغله‌یدیگن «قوناق» کوتلی و بامیان بیلن غور اورته‌سیده‌گی «بکک» و «آبقول کرمان» کوتل‌لری، قار یاغیش و کوچلی بوران طفیلی یاپیلگن.
شونینگدیک، اوشبو ولایت تومن‌لری‌گه آلیب بارووچی یوللرده‌‌گی «شاتو، دگاه، اسپندگ و اقرباط» کوتل‌لری هم یاپیلگن. جناب سیغانی‌گه کوره، بامیان-کابل یولی «حاجی‌گک» کوتلی‌دن ترافیک یوزیگه یاپیلگن؛ لیکن بو یول حاضرگچه شیبر کوتلی‌دن آچیق دیر.
بیزلرنینگ فیسبوک صحیفه‌میزگه باش اورینگ!
بامیان حاکمی سوزلاوچیسی‌نینگ اورغولشیچه، بو یوللرده حاضرگچه قار یاغیش و بوران‌نینگ دوامی بار و فواید عامه ریاستی تیم‌لری یاپیلگن یوللر‌نینگ تیزلیک بیلن آچیلیشی توغریسیده سعی‌وحرکت قیلماقده‌لر. او یولاوچیلردن عاجل ایشلری بولمه‌گنی صورت‌ده، کیینگی معلومات‌گچه بو یول‌دن اوتیب-قیتمسلیکلرینی ایسته‌گن.
