قیزلر نینگ تعلیمی توخته‌تیلیشی گه قرشی مناسبت‌لر دوام ایتر ایکن، اوتگن کوندن بویان مملکت بویلب دولتی و خصوصی بیلیم یورت‌لر نینگ اوقیتووچیلریدن قطاری اوز لوازم‌لریدن استعفا بیرگنلر.
اجتماعی ترماق‌لرده اوقیتووچیلر نینگ استعفا گه چیقیش سانینی توپلش گزارشینی یازگونچه، مملکت نینگ تورلی بیلیم یولریدن قریب ۵۰ اوقیتووچی لوازمیدن استعفا بیرگن. اولر قیزلر نینگ تعلیمی توخته‌تیلیشینی، خاتین قیزلر برابریده ریجه‌لشتیریلگن تبعیض دیه بیان قیلگنلر.
کابل بیلیم یورتی اوقیتووچیسی عبیدالله وردک، اوتگن کون قیزلر نینگ تعلیمی توخته‌تیلیشی گه دایر لوازمیدن استعفا بیرگن بیرینچی استاد دیر. ۱۰ ییل دن بویان کابل بیلیم یورتی ریاضی بولیمیده اوقیتووچی صفتیده فعالیت قیلماقده ایدی ایتیشیچه: «بوندن آلدین عالی تحصیلات ساحه‌سیده کوپ قیینچیلیکلر بار ایدی؛ لیکن بونده‌ی احوال و قرار گه چیده‌ب و وظیفه‌نی دوام بیره آلمه‌دیک.»
زکریا شنیزی، سکندر زدران، نصیراحمد سلطانی و عبدالهادی اسدی، قیزلر نینگ تعلیمی توخته‌تیلیشی گه قرشی مناسبت بیلدیریب و استعفا گه چیققن پولی‌تخنیک بیلیم یورتی اوقیتووچیلری دیر.
بیزلرنینگ فیسبوک صحیفه‌میزگه باش اورینگ!
پکتیا بیلیم یورتی زراعت فاکولته‌سی اوقیتووچیسی عبدالرضا مطمئن، فیسبوک صحیفه‌سیده لوازمیدن استعفا بیریشینی شریک قیلیب و بونده‌ی احوال ده ایشلش خیانت دیب یازگن.
باشقه تاماندن، کابل ده جهان خصوصی بیلیم یورتی ده اداره و تجارت بولیمیده ۵ ییل دن بیری درس بیریب کیلگن محمدآصف استانکزی نینگ سلام‌وطندار گه ایتیشیچه، قیزلر نینگ تعلیمی گه یره‌تیلگن چیکلاولر کوتاریلمه‌گونچه، درس بیرمه‌یدی.
شونینگدیک لغمان بیلیم یورتی زراعت فاکولته‌سی نینگ اوقیتووچیسی عبیدالله سعیدی و هلمند بیلیم یورتی زراعت فاکولته‌سی استادلریدن بولمیش ظاهرشاه صفاری، استعفا گه چیقیش‌لرینی شریک قیلیش بیلن، طلبه قیزلر اوز تحصیل‌لری گه دوام بیریش اوچون رخصت بیریلیشینی طلب قیلگنلر.
ظاهرشاه صفاری نینگ سلام‌وطندار گه ایتیشیچه: «هر کونی اوقیتووچیلر و طلبه‌لر گه چیکلاو یره‌تیلیش گواهی سیزلر، شونی اوچون استعفا بیریب و بونده‌ی شرایط ده ایشلشنی ایستمه‌ی من.»
قندهار بیلیم یورتی اقتصاد فاکولته‌سیده اوقیتووچی صفی‌الله سمون و قندوز بیلیم یورتی اقتصاد فاکولته‌سی استادلریدن محمدعمر قندوزی، عالی اوقوو وزیرلیگی تامانیدن قیزلر نینگ تعلیمی توخته‌تیلیشی گه قرشی‌لیک کورسه‌تیب لوازمیدن استعفا بیرگن. قریب ۱۰ ییل تجربه گه ایگه اوشبو اوقیتووچیلر نینگ ایتیشلریچه، قیزلر نینگ تحصیل حقی اوچون دادخواهی‌لیک قیلیش مقصدیده استعفا گه چیققن‌لر.
کابل ده فانوس عالی تحصیلات مؤسسه‌سی ژورنالیزم فاکولته‌سی اوقیتووچیلریدن امیر ارسلان خراسان‌پور، قیزلر نینگ تعلیمی توخته‌تیلیشی گه دایر مناسبت بیلدیریب ایتیشیچه: «بو جمعیت نینگ یریمی فلج بوله‌دیگن قرار دیر. بونده‌ی ایش دن بوتونلی مایوس بولدیم.»
بیزلرنینگ توییترده هم تعقیب قیلینگ!
نیچه ییل دن بویان کابل نینگ تورلی بیلیم یورت‌لریده خلق‌ارا مناسبت‌لر بولیمیده درس بیرگن نظیراحمد رزاقی، استعفا گه چیقیشینی تصدیقلش گه قوشیمچه سلام‌وطندار گه ایتیشیچه: «مین درس بیره‌دیگن صنف‌لرده کوپراق قیزلر درس اوقیش گه علاقمند ایدیلر و قیزلر کوپراق یوقاری نمره آلردیلر؛ بیراق تأسف بیلن سونگی اوزگریش‌لردن کیین چیکلاولر باشلندی، قیزلر نینگ تحصیل گه دایر علاقه‌لری کونسه‌یین کمه‌یماقده ایدی.»
قیزلر نینگ تعلیمی توخته‌تیلیشی گه قرشی‌لیک کورسه‌تیب لوازمیدن استعفا بیرگن تخار بیلیم یورتی اوقیتووچیسی ولی‌الله شفق نینگ سلام‌وطندار گه ایتیشیچه: «مین و افغانستان بوتون خلقی، تیزلیک بیلن بو قیینچیلیکلر گه چیک قوییلیب، مکتب‌لر و بیلیم یورت‌لر ایشیگی قیزلر یوزی گه آچیلیشینی ایسته‌یمیز.»
شونینگدیک کابل ده جهان خصوصی بیلیم یورت اوقیتووچیسی جاوید مومند، کابل بیلیم یورتی فزیک بولیمی اوقیتووچیسی فیض‌الرحمان اسحاق‌زی، کابل ده خصوصی بیلیم یورت استادلریدن باشقه بیری اسحاق شهباز، جهان خصوصی بیلیم یورت اوقیتووچیسی ناصر سادات، کابل بیلیم یورتی ده استاد مجیب‌الرحمان احمدزی، بلخ بیلیم یورتی علمی اورین باسری رشاد جمال‌یار، بلخ بیلیم یورتی ژورنالیزم فاکولته‌سی استادی فردوس پیرزاد، بلخ ده تاج خصوصی بیلیم یورت اوقیتووچیسی نصیراحمد، قیزلر یوزی گه بیلیم یورت‌لر ایشیگی یاپیلیشی گه قرشی‌لیک کورسه‌تیب و استعفا گه چیقیش خبری شریک قیلینگن استادلر دیر.