ایکینچیلیک، سوغاریش و چاروه‌چیلیک وزیرلیگی مسئوللری نینگ ایتیشلریچه، موسومی یامغیرلرنی باشقریش اوچون مملکت نینگ ۱۲ ولایتیده ۴۵۰ میلیون افغانی‌لیک کیچیک سوو توغان‌لرینی توزه ته‌دی.
اولر گه کوره، اوشبو توغان‌لر توزه‌تیلیشی بیلن مملکت ده سوو تنقیص‌لیگینی باشقریش ممکن.
ایکینچیلیک، سوغاریش و چاروه‌چیلیک وزیرلیگی نینگ تدارکات ریاستی پلان عمومی مدیری نورالرحمان رحمانیار، ارزگان ولایتی گه قیلگن سفری دایره‌سیده بیر سوو توغانینی آچیش مراسمیده ایتیشیچه، کیچیک هر بیر سوو توغان‌نی توزه‌تیش ۳ میلیون افغانی خره‌جت کوتاریب و اوشبو وزیرلیک تامانیدن توله‌‌نیله‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «ایکینچیلیک وزیرلیگی مملکت نینگ ۱۲ ولایتیده ۴۵۰ میلیون افغانی‌لیک سوو توغان‌لرینی توزه‌تیش گه قرار قیلگن. سوو توغان‌لری خره‌جتی ایچکی بودجه دن توله‌‌نیله‌دی و کیله‌سی کون‌لر اولر نینگ عملی ایشلری باشلنه‌دی.»
اونگه کوره، مذکور سوو توغان‌لری موسومی یامغیرلرنی باشقریش اوچون توزه‌تیله‌دی.
گرچند ایکینچیلیک وزیرلیگی مسئوللری، اوشبو کیچیک سوو توغان‌لری قیسی ولایت‌لرده توزه‌تیلیشی حقیده ایضاح کیریتمسه‌لرده، بیراق ارزگان ده بوگون ییتتی سوو توغان ایشی باشلنگنینی معلوم قیلگنلر.
ارزگان یشاوچیلریدن بیرقطاری، ایکینچیلیک وزیرلیگی نینگ اوشبو اقدامینی خوش قرشی‌لب و مسئوللر دن ارزگان ده بویوک سوو توغان‌لری توزه‌تیلیشینی سوره‌یدیلر.
ارزگان یشاوچیسی محمدصادق نینگ ایتیشیچه: «اوتمیش ده برچه ییرلریمیزدن ییتتی خروار جواری و بوغدای حاصل آلر ایدیک، بیراق بو ییل سوو ییتیشمسلیگی اوچون آزراق ایککن من. حکومت بویوک سوو توغان‌لرینی قوریشی کیره‌ک. آغاجان سوو توغانینی توزه‌تگن حالده بیز جوده هم خورسند بوله‌میز.»
بیزلرنینگ «ایکس» ترماغی ده هم تعقیب قیلینگ!
عین‌حالده، سوولرنی باشقریش ایشلری بوییچه ایش بیلرمان‌لر، کیچیک سوو توغان‌لری توزه‌تیلیشینی مثبت بهالب ایتیشلریچه، بو کبی پروژه‌لر عملگه آشیریلمه‌گن تقدیرده، کیله‌سی ییل‌لرده قوروقچیلیک افغانستان ایکینچیلیگی اوستیگه سلبی تاثیر قیلیشی ممکن.
ایکینچیلیک ایش بیلرمان و بیلیم یورتی اوقیتووچیسی احمدالله احمدی، دولت دن موسومی یامغیرلرنی باشقریش اوچون کیچیک سوو توغان‌لری اورنیده بویوک سوو توغان‌لرینی توزه‌تیشنی طلب قیله‌دی.
او نینگ ایتیشیچه: «ییر آستی سوولری اینیقسه جنوبی ولایت‌لرده کونسه‌یین پس توشماقده. حکومت تورلی منطقه‌لرده سوو ییتیشمسلیک قیینچیلیگی حلی اوچون سوو توغان‌لرینی توزه‌تیشی کیره‌ک.»
نیچه کون آلدین، بیرلشگن ملت‌لر تشکیلاتی نینگ ایکینچیلیک و آزیق_آوقات تشکیلاتی (فائو)، بو ییل افغانستان ده قوروقچیلیک باعث ایکینچیلیک محصولات آز حاصل بیریشینی پیش‌بین‌لیک قیلگن.
