۴۶ یاشر گلناز، غور مرکزی فیروزکوه شهری‌ده ایرتنگ‌دن آخشم‌گچه، چیقیندیلر آره‌سیدن ساتیلیش گه یره‌گن نرسه‌لر نی تاپیش اوچون اویلر و کسلخانهلر چیقیندیلری نی اختره‌دیگن یوزلب عیال‌دن بیری دیر. اونینگ ایتیشیچه، دایم چیقیندیلر نی اختریش سبب، پوستی کسل‌لیککه چلینگن دیر.
اونینگ کوپه‌یتیریشیچه: «بورون و یوزیم خارش قیله‌دی. شفاکار ناپاک نرسه گه قول اوردینگ می دیب سوردی، هوا دیدم. کوپینچه پیت، چیقیندیلر اوستیگه باره‌من. کارتن، پیچکاری بمبه‌لری و سیرم بوتل‌لری گه قول اوره‌من. چای شمبه‌سی بولگن پلاستیک‌لر گه قول اوره‌من. انه شوو سبب سونگی کون‌لر یوزیم پوست بیره‌دی و خارش قیله‌دی.»
اورته یاش عیال‌لر گه علاوه، ییگیت‌لر و قیزلر هم آچلیک و قشاقلیک سبب، چیقیندیلر آره‌سیده نرسه ایستریش گه مشغوللر.
بیزلرنینگ توییترده هم تعقیب قیلینگ!
کسلخانهلر یانیده‌گی چیقیندیلر نی توپلش اوچون یوزی و قولی گه دانه چیقگن ۱۲ یاشر علی‌شاه نینگ ایتیشیچه، تورت کیشی‌لیک عایله خره‌جتی نی تامین‌لش اوچون کسلخانهلر یانیده‌گی چیقیندیلر نی توپلش گ مجبور دیر.
علی‌شاه نینگ کوپه‌یتیریشیچه: «کسل بولدیم. بیردن یوزی و قولیم گه دانه چیقدی. کسلخانه گه آلیب باردیلر. شفاکارلر چیقیندیلر گه قول اورگنینگ اوچون بو رقم بولگن‌سین دیدیلر.»
شونده‌ی بیرحالده، غور ولایتی کسلخانه مسئولی نینگ ایتیشیچه، اوی و کسلخانهلر چیقیندیلری، تورلی‌خیل کسللیکلر جمله‌دن توبرکلوز، برسلوز، قاره سریغ‌لمه و جلدی کسللیکلر گه سبب بوله‌دی. اولر گه کوره، اوشبو چیقیندیلر شهرلردن تشقی‌ده کومیلیش یا-ده آلاو بیریلیشلری کیره‌ک.
غور ولایتی کسلخانه رئیسی محمد‌نصر پارسا نینگ ایتیشیچه، کسلخانهلر نینگ تولیدی چیقیندیلری «مانتن» اسمی گه بیان بوله‌دی؛ چونکه اوشبو چیقیندیلرده یوقه‌دیگن میکروب‌لر بار که، انسان نینگ اوشبو چیقیندیلر گه قول اوریشی بیلن، مذکور میکروب‌لر انتقال تاپه‌دی.
غور ولایتی کسلخانه رئیسی نینگ کوپه‌یتیریشیچه: «مانتن چیقیندیلرینی حتا شهر‌دن تشقری گه هم یوبارمه‌یمیز و بولر نی انستراتور اسملی ستندرد آلاو بیروچی بیلن آلاو بیره‌میز که اورته‌دن کیتسین.»
شونده‌ی بیرحالده، فیروزکوه بلدیه‌سی مسئوللری نینگ ایتیشلریچه، تیملر هر کون شهر نینگ تورلی بولیم‌لریدن چیقیندیلر نی توپله‌یدیلر و شهر‌دن تشقری گه انتقال بیریب، اورته‌دن کیتگزه‌دیلر.
بیزلرنینگ فیسبوک صحیفه‌میزگه باش اورینگ!
فیروزکوه بلدیه‌سی نینگ میدیالر بولیمی مسئولی شعیب حماد نینگ ایتیشیچه، اهالی چیقیندیلر نی بیللی بیر ییر گه تشلمه‌ی و اونی شهر سطحی گه تشله‌یدیلر.
اونگه کوره، شهر سطحی گه چیقیندیلر نی تشلماق، اطراف-محیط نینگ افلاسلنیشی گه سبب بوله‌دی و شونینگدیک بلدیه ایشلاوچیلری هم اولردن برچه‌سی نی توپلش گه کوچی ییتیشمه‌یدی.
غور محلی مسئوللری و اوشبو ولایت شفاکارلری اهالی‌دن، اوزلر و جماعه نینگ سلامت‌لیگی نی سقلش اوچون، چیقیندیلر آره‌سینی اخترمه‌یشلری نی ایسته‌گنلر.
