اسلام امیرلیگی ایچکی ایشلر وزیرلیگی سوزلاوچیسی عبدالمتین قانع، تخار ولایتی چاهآب تومنیده محل یشاوچیلری و زرشویلیک شرکت مسئوللری اورتهسیدهگی توقنشووده، ۴ کیشی اولیب و ۵ کیشی یرهلنگنینی بیلدیردی.
او، بوگون (۱۷-جدی/۷-جنوری) ییتکرمهلر بیلن صحبتده، اوشبو واقعه گه دایر چاهآب بیر یشاوچیسی و زرشویلیک شرکت امنیتی بیر خادمی حبس گه آلینگنینی قوشیمچه قیلگن.
ایچکی ایشلر وزیرلیگی سوزلاوچیسی گه کوره، زرشویلیک شرکتنینگ فعالیتی واقعه طفیلی وقتینچهلیک توختهتیلگن.
چاهآب تومنی اهالیسی اوتگن کونی زرشویچیلرنینگ زور ایتیشی، یشش اویلرنی بوزیش، اوتلاقلرنی یوق قیلیش و ایکینچیلیک سوولرنی کسیشی طفیلی، بیرقطار زرشویچیلر بیلن توقنشگنلر.
