قماقخانه‌لر ایشلرینی باشقریش اداره مسئوللری، بوگون (شنبه، ۲۱ اسد) «دولت نینگ ملت گه حساب بیریش» دستوری ده، افغانستان قماقخانه‌لریده ۱۶ مینگ زندانی بارلیگینی معلوم قیلگنلر.
قماقخانه‌لر ایشلرینی باشقریش اداره نینگ حربی اورین باسری حبیب‌الله بدر گه کوره، ۱۶ مینگ محبوس دن بیر مینگ ۱۹۴ ته‌سینی عیاللر و باشقه بیرمینگ ۸۹ ته‌سینی باله‌لر تشکیل بیره‌دیلر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «حاضر افغانستان قماقخانه‌لریده ۱۶ مینگ زندانی بار، بیرمینگ ۱۹۴ ته‌سینی عیاللر، بیر مینگ ۴۲ ته‌سینی ایرکک باله‌لر و ۴۷ ته‌سینی قیز باله‌لر تشکیل بیره‌دی، چیت ایل‌لیک ۱۶ کیشی افغانستان قماقخانه‌سیده زندانی دیر اولر نینگ ۱۵ نفری عیال دیر.»
حبیب‌الله بدر، هیچ بیر مملکت آتینی توتمه‌ی ایتیشیچه، حاضرگی کونده افغانستان قماقخانه‌لریده چیت ایل‌لیک ۱۶ کیشی زندانی دیر.
باشقه تاماندن، قماقخانه‌لر ایشلرینی باشقریش عمومی باشلیغی محمدیوسف مستری گه کوره، سونگی بیر ییل ده ایریم مناسبت‌لر سبب قریب تورت مینگ محبوس قوییب یوباریلگن و محبوس‌لردن باشقه بیر قطاری خارجی مملکت‌لردن افغانستان گه انتقال بیریلگن.
او نینگ ایتیشیچه: «ایران دن بیرمینگ ۲۳۰ زندانی و کویت دن اوچ زندانی افغانستان گه انتقال بیریلگن. باشقه سکیز مملکت اسلام امیرلیگی گه، افغانستان‌لیک محبوس‌لرنی تاپشیریش وعده‌سینی بیرگن.»
بیزلرنینگ توییترده هم تعقیب قیلینگ!
مستری جنابلری نینگ کوپه‌یتیریشیچه، حاضر ایران قماقخانه‌لریده ایریم جنایی جرم‌لر گه عیبلنگن افغانستان‌لیک قریب تورت مینگ کیشی زندانی دیر و اسلام امیرلیگی نینگ سعی‌وحرکتی طفیلی، اولر دن ۲۵۰ نفری نینگ دار گه آسیش جزاسی حبس گه آلیش بیلن قیسقرتیریلگن.
قماقخانه‌لر ایشلرینی باشقریش اداره مسئوللری نینگ ایتیشلریچه، حاضرگی کونده افغانستان قماقخانه‌لریده هیچ بیر سیاسی محبوس یوق دیر.