تخار مرکزی تالقان شهری حدودلری گه قره‌شلی قلبرس یشاوچیلری گه کوره، انچه ییل دن بویان ایچیملیک سوولری یوق‌لیگی باعث شور سوو دن فایده‌لنماقده‌لر، شونی اوچون تورلی خیل کسل‌لیککه چلینگنلر.
قلبرس منطقه‌سی یشاوچیلریدن عبدالغفار نینگ ایتیشیچه، اوشبو منطقه نینگ برچه ساحه‌لریده قودوق بار لیکن برچه قودوق‌لر نینگ سووی شور دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بو منطقه ده‌گی کوپ سانده قودوق‌لر نینگ آغزی آچیق و قودوق‌لر ایچیده چیقیندی‌لر توشیشی اولر نی ایریم کسل‌لیک‌لر گه دوچ قیلگن، بیز نه فقط سوو تنقیص‌لیگی بیلن روپه‌ره میز بلکه، ساغلیک مرکزلر یوق‌لیگی قیینچیلیگی بیلن هم روپه‌ره میز.»
قلبرس یشاوچیلریدن باشقه بیری عبیدالله گه کوره: «اوشبو قیشلاق نینگ برچه اهالیسی ایچیملیک سوو یوق‌لیگی باعث شور سوو دن استعمال قیله‌دیلر، باله‌لر ایریم کسللیک اینیقسه ایچکیتمه و قارین آغریق کبی کسل‌لیک‌لر گه چلینگن.»
شو بیلن بیرگه، ساغلیک ایش بیلرمانی عزیزالله بسیج نینگ ایتیشیچه، سوو انسان‌لر اوچون حیاتی عنصر دیر، شور سوو دن حد دن آشه قوللنیش بویره‌ک تاشی، مثانه ده تاش تاپیلیشی، قان باسیمی یوقاری‌لیگی، مغزی و قلبی خسته‌لیککه سبب بوله‌دی، تیزلیک بیلن دارو_دوالنمه‌گن تقدیرده ایریم قیینچیلیک‌لر گه سبب بوله‌دی.
او نینگ کوپه‌یتیریشیچه: «شور سوو دن کوپ فایده‌لنیش میکروب‌لر تاپیلیشی گه سبب بولیب و نهایت انسان‌لر نینگ روده‌لریده قورت تاپیلیب و انتانی کسل‌لیککه سبب بوله‌دی.»
بیزلرنینگ توییترده هم تعقیب قیلینگ!
عین‌حالده، تخار قیشلاق‌لرنی رواجلنتیریش و قیته قوریش باشلیغی عظمت نورمحمد، محل یشاوچیلری نینگ قیینچیلیک‌لرینی قبول قیلسه ده، بیراق موجود قیینچیلیک حلی اوچون مؤسسه‌لر یاردمی بیلن بوتوغریده سعی‌وحرکت قیله یاتگن‌لریدن ایشانچ بیره‌دی.
او نینگ ایتیشیچه: «منطقه ده تخنیکی قیینچیلیک باعث سووی شور حتا اچیق دیر، نیچه مرته موجود قیینچیلیک حلی اوچون اوشبو اداره نینگ تیکشیریش تیمی اقدام قیلدی، تالقان شهر کهنه چشمه‌سی نینگ سووینی لوله آرقه‌لی قلبرس گه انتقال بیریش اوچون تلاش قیلینماقده.»
عین‌حالده، تخار نینگ قطار تومن‌لری و تالقان شهری اطرافی ده‌گی اونلب قیشلاق اهالیسی، ییل‌لردن بیری ایچیملیک سوو دن محروم دیر.
