روسیه جمهور باشلیغی ولادیمیر پوتین، اوکراینده اوروشلر یکونلنیشی اوچون بو مملکت بیلن توغریدن-توغری مذاکرهلرگه تیارلیگینی معلوم قیلگن.
رویترز آژانسینینگ گزارش بیریشیچه، ولادیمیر پوتین بو موضوعنی اوتگن کونی روسیهنینگ دولتی تلویزیونی بیلن اوتکزگن صحبتلریده بیان قیلیب و اوکراین ده اوروشلر توختهتیلیشی اوچون تینچلیک بوییچه هر قندهی ریجه قبول قیلینیشی توغریسیده مملکتینینگ تیارلیگینی بیلدیرگن. «بیز دایم هر قندهی تینچلیک تشبثیگه ایجابی مناسبتده بولیشیمیزنی تاکیدلب کیلگنمیز؛ امید قیلهمیز که کییف هم خودی شوندهی حس گه ایگه بولسه.»
بیزلرنینگ فیسبوک صحیفهمیزگه باش اورینگ!
روسیه جمهور باشلیغینینگ کوپهیتیریشیچه، تینچلیککه ایریشیش یولیده اوکراین جمهور باشلیغی ولودیمیر زلنسکینینگ آدیم قوییشینی کوتیب تورگن.
باشقه بیر تاماندن، ولودیمیر زلنسکینینگ اعلام قیلیشیچه، اوکراین ده آتیش کیسین و اوروشلر توختهتیلیشی توغریسیده هر قندهی مذاکره اوچون تیار دیر.
بیزلرنینگ «ایکس» ترماغی ده هم تعقیب قیلینگ!
۲۰۲۲-ییل فبروری آییده روسیه و اوکراین آرهسیده توقنشوولر باشلنگنیدن بویان، بیرینچی مرته دیر که ولادیمیر پوتین اوکراین بیلن توغریدن-توغری مذاکره قیلیش ایستهگن.
