روسیه جمهور باشلیغی ولادیمیر پوتین، امریکا جمهور باشلیغی دونالد ترامپنینگ ایستهگینی انابت گه آلیب و اوکراین گه بیر هفته دوامیده هجوم قیلمسلیککه قرار قیلگن.
ییتکرمهلرنینگ معلوماتیگه کوره، ۹ دلو/ ۲۹ جنوری، پنجشنبه کونی دونالد ترامپ آقسرایده ژورنالیستلر بیلن صحبتده بوندهی قرار قبول قیلینگنینی بیلدیردی.
معلوماتلر اساسیده، امریکا جمهور باشلیغی دونالد ترامپ روسیه جمهور باشلیغی ولادیمیر پوتیندن کوچلی ساووق طفیلی کیینگی ییتی کون دوامیده اوکراین گه هجوم قیلمسلیکنی سورهگن، پوتین بو التماس گه ایجابی جواب قیترگن.
ترامپ، اوکراین هیچ قچان بوندهی ساووقنی کورمهگنینی ایتگن.
سونگی کونلرده روسیه حربی کوچلری اوکراین اینیقسه برق آست قورمهلرینی نشانگه آلگن و نتیجهده بو مملکتنینگ بیرقطار شهرلریده آدملر برقسیز قالگنی ایتیلگن.
